Ngibafisela inhlanhla abafunda uGrade 12
MHLELI: Njengoba sezibuya namajoka kubafundi bakaGrade 12, abebesebenza ngokuzikhandla kusukela kuqala unyaka, sekuyisikhathi sokuthi bavune abakutshalile. Ngikusho ngeqholo ukuthi sekuyisikhathi sokuthi bavune abakutshalile ngoba angingabazi ukuthi othisha bethu, iningi labo elisebenza ngokukhulu ukuzikhandla, libacije kahle abafundi kusukela kuqala unyaka sesizowugoqa.
Kusukela kuqale ukubhalwa kwezivivinyo zikaGrade 12 sengike ngahambela izikole ezimbalwa ezifundeni ezimbili, uMgungundlovu neLembe. Ngingasho ngingananazi ukuthi ezikoleni engisazihambele, ngibheka ukuthi ngabe konke kuhamba kahle yini, isimo siyethembisa.
Empeleni ngihlabeke umxhwele ngendlela abafundi ebebekulungele ngayo ukubhala izivivinyo zabo.
Yize ngonyaka odlule izinga lokuphasa kwabafundi lithe ukunyuka kancane lisuka ku-60.7 % ngo-2015 laya ku-66.8 % ngo-2016, asifunanga ukuzithela ngabandayo kodwa siqhubekile nokusebenza ngokukhulu ukuzikhandla sicija abafundi bethu ukuze bakwazi ukuhlangabezana nesikalo sokuphasa esizibekele sona kulo MHLELI: Kwelakho elithembekile ngivumele ngibeke amabili amathathu.
Ngiwumzali womfundi waseGeorgedale full service school.
Lesi sikole ngokomnyango wezemfundo asiyikhokhisi imali kodwa siyaphoqwa thina ukuthi sikhokhe oR100 okuthiwa abesikole. nyaka.
Kulo nyaka sizimisele ngokuthi izinga lokuphasa likhule ngamaphesenti ayisithupha kuya phezulu.
Ngamanye amazwi sizibekele ukuthi siphase ngo-76% kuya phezulu kulesi sifundazwe. Lokhu kubaluleke kakhulu kithina ngoba vele siyisifundazwe esikhulu nesinezibalo zabafundi bebanga likaGrade 12 elidlula zonke ezinye izifundazwe.
Bheka nje ngoba isifunda esisodwa lapha KwaZulu-Natal, uMlazi District, sinabafundi abangaphezulu kwezifundazwe iNorth West neNorthern Cape zihlanganisiwe. Sona futhi lesi sifunda saseMlazi sisodwa sinabafundi abalingana nabesifundazweni sonke eFree State.
Lokhu kusho ukuthi uma kuke kwabheda ngapha kwesethu isifundazwe kulimala izwe lonke futhi uma isifundazwe sethu senza kahle umsebenzi wethu ufukula izwe lonke. Singasho nje ngamafuphi ukuthi singumgogodla wezwe lonke kwezemfundo.
Lokhu-ke kungezinye zezinto ezihlala zisikhumbuza ukuthi kubaluleke kangakanani ukuthi sisebenze ngokuzikhandla ukuze siphakamise izwe lethu.
Siyazi futhi ukuthi amehlo ahlala njalo ethe njo lapha esifundazweni sethu esihle kakhulu sikaPhunga noMageba ngoba yiso esiphethe injabulo kazwelonke.
Yizo-ke lezi zizathu, phakathi kweziningi, ezidala ukuthi sizikhandle kakhulu, nisibone siwela imifula nemihosha, sinyuka amagquma namathafa, sintweza emathafeni ngoba sisuke sazi ukuthi umsebenzi esinawo akuwona nje owokufukula isifundazwe sethu kuphela kwezemfundo kodwa ngowokunyusa izinga lemfundo eNingizimu Afrika yonkana.
Asingabazi-ke ukuthi abafundi bethu bazokwenza lokhu okufanele bakwenze okuhambisana nomsebenzi omkhulu esiwenzile wokubacija kusukela kuqala unyaka. Kungalesi sizathu ngihlaba ikhwelo kubo bonke ababhalayo lokuthi ababeke amaphaphu phansi bese benza esibafundise kona.
Ithimba lothisha bethu, elisebenza ngokukhulu ukuzikhandla, ngifisa ukulichoma uphaphe lwegwalagwala ngomsebenzi omuhle eliwenzile kulo nyaka. Kodwa-ke ngizophinda futhi ngibabonge kahle othisha bethu uma sekuphume imiphumela. Bayazike nabo ukuthi uma benze kahle siyababonga hhayi ngomlomo nje kuphela kodwa sibanika ngisho nemiklomelo.
Yingakho nje ngesonto eledlule besikade sinomcimbi owubukhazikhazi wokuklomelisa othisha, iNational Teachers’ Awards, ebiseThekwini e-Olive Convention Centre.
Ngifisa ukuphetha ngokuthi ngigqugquzele abazali ukuthi abafake umfutho wokugcina manje ngoba izinjomane sezehla ngoMaliyethe zibheke entanjeni. Abeseke izingane zabo ngakho konke abangazeseka ngako ngoba lesi cishe yisikhathi esibaluleke ukudlula zonke empilweni yazo.
Ngifisa ukuthi ngifisele bonke abafundi bakaGrade 12 inhlanhla ezivivinyweni zabo. Nabafundi bamabanga ahlukene angaphansi kukaGrade 12 asibashiyi ngaphandle, nakubona sithi nje okuhle kodwa. UNgqongqoshe uMthandeni Khethomthandayo Dlungwane unguNgqongqoshe wezeMfundo KwaZulu-Natal futhi uyiLungu lesiShayamthetho KwaZulu-Natal