Kumenywa abazoduduza abashonelwe
NGIGAYELE NGIZOTHE
Ngembathis’ amaqabunga ngizothe,
Ngibe mibalabala njengengwe yasemaqeleni,
Ngikhonkosele kwabasaqub’ esibelethweni senzalabantu,
Hleze bazothe lapho befika kowenhlupheko.
Sondela salukaz’ esimabhadubhadu,
Ngikhongozel’ ubuhlakani bendalo,
Hleze kuqhans’ imithambo yenjulalwazi,
Ngikhanyisel’ abamixhiliba ngamathamb’ engqondo
Ngikhanyisel’ abaminenke ngebang’ abasazolicathula,
Ngikhuthaz’ asebagoq’ ngengunaphakade.
Zululeka ngqondo yomkhovu waseNtshonalanga
Ufun’ ikhambi lokwelaph’ ubuwula bezazi zaseNtshonalanga
Ezasephuc’ umnkantsha wesiko likaNomkhubulwane.
Ngigayele ngizothe nyanga yezulu, Kuqhans’ imithambo yokuzazi Lapho ngincind’ odengezini lusentendeni yesandla.
Sengophephela kuz’ izaqheqhe zaseSandlwana
Ezagwaz’ amaNgisi ngensizi yosizi
Kwaqhum’ isibeletho seNdlovukazi
Iqhwakel’ esihlalweni sombuso oxegaxegayo,
Uxegaxega ngokuqonel’ iziqhaza zakwethu. Siyadel’ leso sihlalo sobukhosi Okwaqhumela kus’ isibeletho seNdlovukazi
Kwachithek’ uphoko kuvel’ iNgonyama yamaZulu.
Sengiyozizekel’ amagwabab’ echobana
Ezokuy’ esikhathini kweNdlovukazi singakafik’ isikhathi.
Sabalalani ngemicabango mahlumel’ esizwe,
Nithol’ ingonyuluka ngomthombo wenhlakanipho,
Nithob’ amanxeb’ ezisulu zokungazi,
Azaz’ ukuth’ azaz’ iziphukuphuku zamambuka,
Azaz’ ukuth’ ukulahl’ ulimi lwazo kuwubunuku,
Ubunuk’ obedlul’ iphunga leqaqa.
Seziyosengwa yinkehl’ inkosi ngiqinisile, KUMENYWA osonkondlo abanekhono lokubhala ukuthi bangenele umncintiswano wezinkondlo zokududuza, ohlelwa yinkampani yabangcwabi, i-Avbob.
Kudingeka abanekhono lokucikoza ngamazwi, abazokwazi ukududuza abashonelwe.
Izinkondlo ezizohamba phambili zihambisana nomklomelo kaR300 umuntu ngamunye.
UMnuz Frik Rademan oyisikhulu esiphezulu kwa-Avbob, uthe zingaphezu kuka-10 000 izinkondlo asebezitholile zokungenela.
Izingane zakwethu zinyundela olukaPhunga noMageba
Lapho ziqomisa ngolwamaNgisi.
Salukazi sakwethu, khuz’ umhlola wezinkothangqoko!
Sekuyolamul’ ukuzigqaja kwamabhinc’ anjengathi,
Sekuyoqhum’ imbewu yamathwasa,
Amathwas’ angesab’ ukukhwifa ngolwawo bethefuya. Bongani Mavuso NGAZALELWA KWAZULU Ngazalelwa KwaZulu, Ngizalwa yinzalo kaZulu, Ngancela ulimi lwesiZulu, Ngabezwa bekhuluma isiZulu, Ngabathola beqhuba isiko lakwaZulu.
Uthe lo mncintiswano uvuleleke kwabakhuluma noma yiluphi ulimi kwezingu-11 ezisemthethweni kuleli.
“Asizami nje ukuzakhela udumo ngalo mncintiswano kodwa kusuka eminyakeni eminingi edlule, siyawaseka amaciko akuleli. Sikholwa wukuthi ubuciko buyawududuza umphefumulo okhathazekile futhi buyasiza ukumelana nazo zonke izimo ezinzima,” kuchaza uRademan.
Uthe bonke abazongenela lo mncintiswano, bazozibeka ethubeni elifanayo namaciko izinkondlo zawo ezingu-100 ezizofakwa ohlwini oluzoshicilelwa ngo-Agasti wonyaka ozayo. Lezi zinkondlo zizoshicilelwa
Ngingekulibale ukunotha komhlaba waKwaZulu,
Okuvuselela isithunzi somuntu onsundu.
Inkaba yami yasala KwaNongoma,
Imfundo ephakeme ngayiqhwanda
Enyuvesi yaKwaZulu KwaDlangezwa.
Ngasina kwezwakala ezihlabathini zolwandle eThekwini,
Lapho ngigqoke isidwaba sakithi kwaZulu. Ngiyaziqhenya ngobuzwe bami. Ngingekulibale ukunotha komhlaba wakwaZulu,
Okuvuselela isithunzi somuntu onsundu.
Nozipho Mdletshe kwi-website yakwa-Avbob ngaphansi kwesihloko esithi ‘I Wish I’d Said.’
URademan uthe bakhethe lesi sihloko ngoba uma kushoniwe wonke umuntu osele usuke enamazwi afisa ukuthi ngabe wawasho koseshonile.
Ugcizelele ukuthi abakhethi ukuthi bafuna osemnkantshubovu kwezezinkondlo kodwa bazobheka izinkondlo ezihlabahlosile.
Kwabafuna ukungenela basalelwe yinyanga ngaphambi kokuvalwa komncintiswano.
Izinkondlo zithunyelwa ku-www. avbobpoetry.coza nemininingwane ephelele yongenelayo.