‘Angihambisani nokuhlaba’
UMSAKAZI wohlelo lwasekuseni kuKhozi FM, uSipho ‘DJ Sgqemeza’ Mbatha, uzifake obishini kubantu abalandela isiko lokuhlabela amadlozi ngokuthi athi yena akahambisani nalo.
UDJ Sgqemeza uveze umbono wakhe ohlelweni iVuka Mzansi ngesikhathi ekhuluma noMfundisi Thomas Radebe obuye ethule izinkulumo ezakhayo kulolu hlelo. Ephendula uSgqemeza uRadebe uthe vele wawudukile.
USgqemeza ugcizelele ukuthi usahlukana naleyo mpilo. URadebe uzwakale sengathi uyachazeka njengoba ethe vele wawuphambukile.
Ethintwa yintatheli yeSolezwe ngalolu daba, uDJ Sqgemeza ukuchithile ukuthi uke wenza lesi sitatimende emsakazweni, wathi yena noma esindisiwe kodwa uyazihlonipha izinkolelo zabanye abantu.
URadebe ucele ukuthi athintwe ngemuva kwamahora amabili. Ngesikhathi eseshayelwa nokho ucingo lwakhe bese luvaliwe. Uthunyelelwe nomyalezo kodwa ugcine engabuyelanga entathelini kwaze kwashaya isikhathi sokushicilela.
Ephawula, uCalvin Dludla uthe ukhombise ukungawuhloniphi umsebenzi uma esho into efana nalena esebenzisa isiteshi esilalelwa yizwe lonke. INingizimu Afrika inamasiko ahlukene futhi bekumele azi kangcono. UKhozi lusakazela bonke abantu bakuleli, ngaze ngaphoxeka.”
UVusi Zondi uthe kuyamphoxa ukuthi kusenabantu abagxeka izinkolelo zabanye. Kukhona nokuphawula kwabanye abantu ngalolu daba.
Okhulumela iSABC, uKaizer Kganyago, uthe abasakazi abavumelekile ukugxeka emsakazweni.
“Abasakazi abavumelekile ukugxeka izinto emsakazweni. Singazibala izinkolelo zabantu ngoba kuleli kunomthethosisekelo ovikela izinkolo namasiko abantu. Kulolu daba ngeke ngiphawule ngithi usephutheni noma akekho ephutheni lo msakazi ngaphambi kokuthi ngiluzwe lolu hlelo nokuthi ubekhuluma ngani,” kusho uKganyago.
Ugqugquzele abalaleli ukuthi babikele inhlangano elawula imisakazo, iBroadcasting Complaints Commission of South Africa (BCCSA), uma benezikhalo ngezinto abazizwa emsakazweni.
Ngenyanga edlule kube nesikhalo esithi asifane oKhozini, ngomfundisi Mthembeni Mpanza weNazarites Church of God, oshumayela ngoMgqibelo ogxeke abebandla lamaRoma aKhotholika “ngokukhonza” uMariya.
Inkulumo yakhe ayehlanga kahle emalungwini ebandla athi igxeka inkolo yabo.
UMpanza wathi akaziboni ephambukile entshumayelweni yakhe ngoba wayengagxeki ibandla kodwa wayehlaziya iBhayibheli. OMUNYE PHEZU KOMUNYE… KUMELE KUSHINTSHE IZINHLAMVU Siyanda EL Niño Mashila: NgoLwesibili Ukhozi FM kwiWoza Nabangani Bakho badlale ingoma ka-Ace Hood noChris Brown ethi Body to Body, phecelezi umzimba komunye umzimba, pho kungani ezesingisi eziyela ocansini zidlalwa? Chrisfive Weekend: Ayikho into okumele ishintshwe omunye phezu komunye kuchaza okuningi. Yinina enikhohlakele. Iculo alihlangene nocansi. Dlalani iculo nilalele nivale umlomo. Mfanafuthi Nhlakanipho Phungula: Kumele bayizwe uma iqala ingoma ukuthi ithini, “ey kwagcwala kangaka lana...” THUMELA umbono ngalolu daba kuFacebook (Isolezwe), kuTwitter (@isolezwenews) noma umqhafazo ku-45773. I-sms ibiza R1,50.
UMUNYU KUVELA ABASOLWA NGOKUBULALA
Syabonga Nene: Baze bononya abantu besifazane. Umntwana ungenaphi ezindabeni zabadala? Lo muntu ubazi ukuthi ushadelwe unomndeni owesilisa.
Sanele Mthiyane: Hhayi siyobuzwa ngomzuzu wokugcina, nalo muntu wesifazane unesibindi kodwa nobaba wengane uyamudla unembeza ngokunganeliseki eseshadelwe. Sengathi bangalala ngokuthula.
Goqozile Ndwandwe Umoya wenu ulale ngoxolo bafana bami. Izingane ezinhle zizobulawa ngumuntu nje onesikhwele. ISETHENJWA SE-CELTICS SIYILAXAZA PHANSI
Alfonzo Lwandle Dingiswayo: Impilo imfushane, umfana angazibambezeli. Ngifisa aye kwiAjax ngoba amaqembu amakhulu ayaphuphisana.
Mfoloz’emnyama Ikhethabaweli: Eish sengathi angaya kwi-Arrows ngoba naye uyashesha, unebhola elihle kakhulu ngoba kwezami Ezimnyama kugcwele kakhulu uhlobo olunjengaye. Angalinge aye khona uma esafuna ukudlala.
Goqozile Ndwandwe: Kabelo Mahlasela mfana wami ungazisoli kusasa ngokugijimela emaqenjini amakhulu aseGoli. IChiefs le esikukhohlisile ibophele uju lwabadlali ozobanga nabo ijezi.