Owasezindlini ubuye nendondo e-USA
UGIJIME elimele owesifazane osebenza ezindlini eBallito, obengenele okokuqala iNew York Marathon e-United States of America (USA).
UNksz Veronica Mtetwa (osesithombeni) wasoPhongolo, uwuqede kunzima lo mjaho ka-42km emuva kokulimala eqakaleni. Utshele Isolezwe ukuthi udokotela wakhe ubengayizwa eyokuqhubeka nomjaho njengoba ebesenamasonto ayisihlanu elimele. Ubuye kuleli ngoLwesihlanu emuva komjaho obungeSonto eledlule.
“Udokotela wayethe akaboni ukuthi ngiyowuqeda ngisho u-5km uma ngiqhubeka nalo mjaho. Ngamtshela ukuthi ngizoqinisela ngigijime,” kusho uNksz Mtetwa oneminyaka engu-34.
Ubehambe nomqashi wakhe uNkk Jody Cameron njengoba kunguye nomndeni wakhe abebemeseka bemcelela noxhaso. Bahlale isonto lonke eNew York.
Uthe ngemuva komjaho ubengakwazi ngisho ukuphuma endlini ngenxa yezinhlungu eqakaleni. Uqede emahoreni ayisihlanu nemizuzu engu-19 kulo mjaho, okuyinto athi akayijwayele. Ngokujwayelekile emijahweni yaleli banga wenza amahora amathathu nemizuzu embalwa. Yize ekujabulela ukuthi uwuqedile umjaho phezu kobunzima abhekana nabo, akasithandi isikhathi aqede ngaso.
Ubabaza uthando lwemijaho kubantu base-USA, athe bebegcwele imigwaqo bezobukela. Uthe uthole ukuthi indlela abayithanda ngayo imijaho, bayithakasela ngokufanayo ngisho eyamabanga amafishane. Ufisa sengathi lolu thando lungaba khona nakwabakuleli, bangajabuleli iComrades Marathon kuphela.
UNksz Mtetwa ubuye nendondo ewuphawu lokuqeda lo mjaho athe lisho lukhulu. Ubesenikelelwe imali engaphezu million. kukaR40 000 ukungenela lo mjaho. Lokhu kwenze ukuthi naye azibophezele ukusiza abadinga uxhaso. Kumanje uqongelela isikhwama sokunikelela ikhaya lezintandane iSummer Hill House eKwaDukuza. Uthe uzimisele ukuqoqa uR1