ILand Cuiser Prado ingase ihehe ngobuhle
IMOTO: TOYOTA LAND CRUISER PRADO
BAYAKHELE ethembeni lokuthi izoqhubeka nokuba yintandokazi kubathengi iLand Cuiser Prado entsha kwaToyota.
Le moto yiyona etholakala ezindaweni eziningi okuzedlula zonke izimoto zakwaToyota njengoba idayiswa emazweni angu190.
Ubude bayo sebebunyuse ngo60mm kwafinyelela ku-4,840mm. Umhlaba iwushiye ngo-215mm okuyenza ingabi nankinga yokuhamba noma yikiphu futhi ikubuyise.
Nendlela ebukeka ngayo bayishintshile njengakubhonethi, u-grille, amalambu okukhanyisa ngaphambili, ubhampa kanjalo nasezinhlangothini.
I-grille bayenze ukuhti ivuleke ukuze kuzongena umoya owanele wokupholisa injini futhi iphicwe nge chrome.
Ngaphandle kwezinguquko endleleni ebukeka ngayo kwethulwe neVX-L.
Izinhlobo zeXT zinamalambu e halogen kuthi izinhlobo zeVX neVX-L zona zinamalambu akhanya bha eLED. Zonke izinhlobo zinamaLED Daytime Running Lights (DRL) okungamalambu akhanya ubusuku nemini kanjalo nama foglamps.
Ubuhle bayo bengezwa nangamarimu amasha angu-17 inch kwiTX nacwebezelayo angu-18 inch kwiVX neVX-L.
Ngemuva izinto ezintsha zihlanganisa amalambu amasha ahlanganisa nelokubhreka eliyiLED kanjalo nobhampa owenziwe kabusha.
IPrado itholakala ngemibala eyisithupha ehlanganisa nomusha obizwa ngo red-hued Crimson metallic no-Avant Garde Bronze metallic finish.
Ngaphakathi izinga linyusiwe njengakwicentre console. Ishaya nge-screene sisha esingu-8 inch full-colour multimedia screen, amabhathini okulawula i-air conditioner ne-instrument cluster.
Ngaphakathi inezinhlbo ezimbulu ezintsha ebukeka ngazo okuyindlela eyenza ibe mnyama noma ibe “neurtal beige”.
I-TX ine coolbox kanti izihlalo zangaphambili nangemuva ziyafudumala.
I-VX neVX-L ziphuma neSatellite Navigation ne intofainment system enezipikha ezingu-14.
Ezinye izinto le moto ephuma nazo zihlanganisa i automatic dualzone climate control, 6-speaker audio system, isihlalo somshayeli sihlelwa ngogesi, cruise control, park distance control, keyless entry, izindawo ezithathu zokuthola ugesi, Bluetooth connectivity, USB nekhamera eveza ingemuva uma uhlehla.
Ezinjinini kubuye engu-3.0 D-4D enamandla angu-120 kW netorque engu-400 Nm. Idonsa ngamagiya ayisihlanu azishintshayo.
Ekaphethroli ingu-4.0 enogearbox onamagiya ayisithupha azishintshayo. Amandla ayo angu202 kW netorque engu-281 Nm.
Wonke amaPrado aneToyota Active Traction Control (A-TRAC) esiza kakhulu uma uhamba obhuqwini eyenza ibhreke emasondweni ngokuhlukana. InaneHill Assist Control.
Kwi-VX neVX-L umshayeli uthola iMulti-Terrain Select eyenza ukuhti abuke umgwaqo bese eshintsha kwinkinobho ukuze imoto ihambe kahle. Kukhona u mud& sand, loose rock, mogul, rock & dirt no-rock).
Eyi-4.0 V6 ineDrive Mode Select okwazi ukukhetha kuyo indlela ofuna ihambe ngayo phakathi kukaComfort, Sport, Sport +, Normal no-Eco.
Kwezokuphepha iphuma nePreCollision System ekwazi ukubona nabahamba ngezinyawo, Adaptive Cruise Control, Lane Departure Alert ne-Automatic High Beam.
KwiVX neVX-L kwengezwe iBlind Spot Monitor eneRear Cross Traffic Alert futhi iyakutshela ukuthi umoya osemasondweni ungakanani.
Konke lokhu kuhambisana nama-airbag ayisikhombisa, amabreki e-ABS, EBD, Brake Assist neVSC neTrailer Sway Control. Amanani:
Land Cruiser Prado 3.0D TX R 821 700
Land Cruiser Prado 4.0 V6 VX R 930 000
Land Cruiser Prado 3.0D VX R 932 400
Land Cruiser Prado 4.0 V6 VX-L R 967 200
Land Cruiser Prado 3.0D VX-L R 969 600
Zonke izinhlobo ziphuma ne-service plan yeminyaka emihlanu noma u-90 000km ne warranty yeminyaka emithathu noma u-100 000km.