UCoetzee uncome abadlali ngokuzimisela benqoba
UMQEQESHI weqembu lesizwe le-rugby, u-Allister Coetzee, ubashayele ihlombe abadlali bakhe ngokuzimisela abakukhombise ngesikhathi beshaya iFrance emdlalweni weCastle European Tour ngempelasonto.
AmaBhobhoko abeze kulo mdlalo isimo simuncu ngemuva kokuthelwa ngehlazo lika 38-3 yi-Ireland emdlalweni wokuqala.
Emdlalweni we-Ireland iqembu likaCoetzee lakhombisa obukhulu ubuthaka njengoba kungekho nokukodwa okuqondile elalikwenza kulo mdlalo.
NgoMgqibelo amaBhokobhoko anqobe ngo 18-17 ngoMgqibelo.
“Lokhu kukhombisa ukuthi kukhona okuhle okungeziwa yileli qembu. Siqale kahle (unyaka) sinqoba imidlalo emihlanu sadlala ngokulingana ne-Australia ngaphambi kokushaywa kanzima iNew Zealand ngo 57-0. Kodwa sivukile futhi sesidlala ne-Australia okukhombise ukuqina kweqembu,” kusho uCoetzee.
Okunye okuchaze uCoetzee, abaningi abangasamboni njengofanelwe yilo msebenzi, wukubona iqembu lakhe linqoba umdlalo obushubile obunganqotshwa yinoma yiliphi iqembu.
“Sadlala ngokulingana ne-Australia, sahlulwa ngephuzu elilodwa yiNew Zealand okuyimidlalo ebishubile kodwa sanganqoba. E-France besinengcindezi kodwa sawunqoba umdlalo.”
Ama-try elakuleli ashaywe uDillyn Leyds noJesse Kriel. UHandre Pollard ube nosuku olubi ehluleka wukukhahlela amabhola amane kwayisikhombisa.
UCoetzee uvikele uPollard ngokuthi bese siside isikhathi agcine ukudlala.
NgoMgqibeli iNingizimu Afrika izothuthana ne-Italy eStadio Euguaneo ngo-3 ntambama. Azobe esevala unyaka neWales ngoDisemba 2 eCardiff. , eWales.