Bayomela leli kowamafilimu phesheya
BEXWAYISA NGOKUMOSHA IMALI NGE-BLACK FRIDAY OSOMNOTHO
DJ-coolgirl Zamacusi Ncamphish: Mina ngeke impela ngisazixaka ngale nto. Ukumosha kodwa phela lokhu.
Thato Ntando Phohlo: Kufuneka umuntu athenge into ayidingayo nangenayo. Ungathengi yonke into oyibonayo nengenasidingo.
Nokuthula Letsoalo: Eyami imali futhi ngiyisebenzela ngedwa kanzima. Kunani uma ngidla imali yezithukuthuku zami? KUXWAYISWA ABATHENGA UMVUSAKUNZI
S’pharman Misoh Msimango: Kodwa ingcindezi siyithola kwabesifazane laba abahlale bekhala ngokunganeli ocansini baze bathi yikho okubakhiphela ngaphandle othandweni abasuke bekulona. Isixazululo kugcina kuyiyo ke le mivusankunzi.
Thokozani Shiyabedla Mtshali: Ewu bazokwaliwa phela abafowethu uma beyeka umvusankunzi. Zibuthaka izinsizwa lapha emnyango, abachathe abantu bo!Thula Vico Ka Magaye: Umvusankunzi yani yona leyo. Abantu abadle ukudla okunempilo bayeke utshwala bagweme ingcindezi. I-SUNDOWNS ISHIYWA YISILOMO SOMDLALI Sanele Slowpoison Or Straydogg Mahlinza: Sebezothi bamyise e-Europe kanti uzihambele ngenkani uBilliat ngoba kade iSundowns yayinqaba ukumdayisa.
Thato Ntando Phohlo: Abamdelele ahambe uKhama uvuthiwe manje, ayozibonakalisa phesheya.
LIZIMISELE ukusabalalisa izindaba zakuleli umhlaba wonke ngamafilimu, ithimba elisanda kuhlabana ngethuba lokuyomela iNingizimu Afrika emncintiswaneni phesheya.
Ithimba lenkampani i-Ambassador Pictures, liwine umncintiswano wokwenza ifilimu emfishane emncintiswaneni iJohannesburg 48 Hour Film Project Awards. Lo mncintiswano owaqalwa ngo-2003, unikeza osomafilimu bakuleli ithuba lokuthi baveze ikhono lokuhlanganisa ifilimu ehlabahlosile yemizuzu eyisikhombisa esikhathini esingamahora angu-48. I-Ambassador Pictures yenze ifilimu yamahlaya ebizwa nge’Death By The Glass.’
UNksz Nqobile Shoba ongumdidiyeli wale filimu nomunye wabasunguli be-Ambassador, uthe bayithimba labangu-15, u-95 wabo okungabamnyama.
“Sayisungula ngo-2013 le nkampani ngenxa yothando lwamafilimu. Bekungokwesithathu singenela lo mncintiswano kodwa sesike sayingenela neminye yaphesheya. Sikhethe ifilimu yamahlaya, saqala ukuyihlanganisa ngoLwesihlanu sayithumela ngeSonto emncintiswaneni,” kuchaza uShoba.
Ifilimu yabo iwine emkhakheni weBest Film, Best Directing, Best Writing, Best Cinematography nakwiBest Use of the Compulsory Character.
Ukuwina kwabo kubadlulisela emncintiswaneni wamanqamu kwiFilmapalooza Festival ezoba ngoMashi 6, eParis, eFrance.
UNksz Shoba uthe badinga uxhaso njengoba kumele bazikhokhele izindleko zokuhamba nendawo yokuhlala phambili.
Kumanje sebeqale imikhankaso yokuzama ukuqoqa le mali kodwa bayabadinga nabazolekelela.
“Uma singabuya nendondo phesheya kuzosivulela amathuba kakhulu. Ukuhlangana nabanye abenza amafilimu kwamanye amazwe kuzosikhulisa kakhulu,” kusho uNksz Shoba.
Ifilimu yabo iyatholakala kwiYou Tube kanti isethubeni lokukhonjiswa yiPrime Media uma kuhambe kahle. I’Death By the Glass’ ikhuluma ngowesilisa ovuka engasenazo izinso, kudingeka azame icebo kubangani engakapheli amahora angu-24 ephila.
UNksz Shoba waseMgungundlovu, waqala ngokuba yiTelevision Promo Producer ngaphambi kokudidiyela amafilimu amafishane.
Wafundela iDrama neJournalism and Media Studies eDurban University of Technology nePolitical and International Studies eRhodes University.
Eminye imininingwane ngale filimu isekhasini likaFacebook elithi: Ambassador.Pictures17.