Umlando kutheleka i-Alfa Romeo Stelvio kuleli

ITHELEKILE kwelengabade iSUV yokuqala ngqa emlandweni weminyaka engaphezulu kuka-100 kwaAlfa Romeo.

Le moto yakhelwe phezu kwesisekelo se-Alfa kanti kuhloswe ngayo ukushubisa esigabeni sama medium-sized premium SUV.

IStelvio ungafunga ukuthi yi-sports car ngendlela ebambelela ngayo emakhoneni futhi intofontofo ngenxa ye suspension yayo. Ubude bayo bungu-4.7m kanti ukuphakama kwayo kungu-1.7 kuthi ububanzi bayi bube ngu-2.2m.

Uma iqhamuka kulula ukuthi uyibone ngenxa ye-grille efanayo nezimoto zakwabo. Ngemuva inhle futhi ishaya ngezinqawe ezimbili ezinkulu. Abathengi bengakhetha phakathi kwemibala engu11.

Ngaphakathi leli “Ntaliyane” lakhiwe laba seqophelweni eliphezulu. Ine-dual climate control system, Alfa Connect infotainment system, i-radio enezipikha ezingu-8, 10 noma ezingu 14 (zeHarman Kardon) kuya ngenhlobo yakho. Ibhuthi lingu-525l kanti livulwa ngogesi.

I-information display cluster ine-screen esingu-7 inch esivezela umshayeli izinto ezibalulekile. IneAlfa Connect engu-8.8 inch ne-3D navigation.

Izihlalo zesikhumba zihlukene ngemibala emithathu okungomnyama, onsundu nobomvu.

Ubuchwepheshe bezokuphepha, kuya ngenhlobo yakho, buhlanganisa i-integrated Brake System, Forward Collision Warning, Autonomous Emergency Brake, Lane Departure Warning, Blind Spot Monitoring eneRear CrossPath Detection ne-Active Cruise Control.

Injini ingu-2.0 litre Turbocharged kaphethroli enamandla angu-206 kW ne-torque engu-400 Nm. Le njini eyi-4 cylinder idonsa ngamagiya ayi 8-speed automatic transmission kanti idonsa ngawo wonke amasondo.

Ikwazi ukusuka ku-0 iye ku-100 km/h ngemizuzwana engu-5.7 kanti ijubane elikhulu ngu230 km/h.

Umshayeli ukhetha yena ukuthi ihamba kanjani ngokuciphaza kuDynamic, Natural no-Advanced Efficiency. Amanani Alfa Romeo Stelvio Super

R810 000 Alfa Romeo Stelvio First Edition R810 000

Iphuma ne-warranty yeminyaka emithathu noma u-100 000km neMaintenance plan yeminyaka eyisithupha noma u-100 000km.