Zizobe zicela amehlo izimoto zakudala embukisweni wazo
UKHUZA ibuya umbukiso wezimoto zakudala, iClassic Car Show ezoba seNasrec Expo Centre, eGoli, ngoDisemba 3.
Umgqugquzeli womcimbi uPaulo Calisto uthe lo mbukiso uhlale ummangaza.
“Wonke amaClassic Car Show esiwenzayo isibalo sabantu sihlale sikhuphuka futhi kuyo yonke imicimbi kuba nenqwaba yezimoto zakudala engingakaze ngizibone phambilini,” kusho uCalisto.
Kulindeleke ukuthi amaChev akudala ango-1955 no-1956 azobonakala eNasrec.
Azobe ebenyezela egqize nge chrome. Ngaphansi kwebhonethi kungalindelwa ukuthi zibe nenjini ephakathi kuka-4.6 litre nezinengu-8.0 litre.
“Ngiyayithanda indlela abukeka ngayo la maChev ne-suspension yawo eyehlile, amasondo avulekile kodwa asagxile esisekelweni sawo,” kusho uCalisto.
Ezinye izimoto ezilindelwe ngamaDodge, Ford nezinye.
Abahleli bathe kusukela kwethulwa iMustang entsha kuleli, awakudala phakathi kuka-1965 kuya ku-1973 yiwona afunwa kakhulu.
Amanye amaFord okulindeleke ukuthi abe khona yiCortina ne-Escort.
Ezinye yiPlymouth Barracuda, Chevrolet Camaro ne-Oldsmobile 422.
NamaKombi akwaVW akudala nawo kuthiwa ayintandokazi
Amathikithi omcimbi abiza uR60 kwabadala kuthi awezingane ezingaphansi kweminyaka engu abize R20 eComputicket. Esangweni azoba nguR80 kuthi awezingane abe nguR20.
Abeza nezimoto zakudala bazongena mahhala.