IMambazo ivivele amaGrammy Awards
USIZI KUMINZA IZINGANE EZINE ZIZAMA UKUTAKULANA
Sweetness Masuku: Ngifisa sengathi sonke besingafundisa izingane ukubhukuda ukuze zazi nje lokho okuncane okungazisiza.
Bongani Alex Nxumalo Kamandebele: Yaze yabuhlungu indaba yabantwana. Umndeni ududuzeke bakithi.
PS Nzo Zondi: Sinzima lesi sehlo ngeke ugxeke muntu lana, abantwana badlala noma ingani noma ikuphi. Esingakusho manje ukuthi umndeni awulale ngenxeba.
BAKHIPHE EQHAKAMBISA UBUHLE BESIPHALAPHALA SO-KHOZI
Thobani Mfeka: Bamncoma kufanele, muhle loya sisi. Ngicikwa uhlelo akulo nje kuphela.
Iam S’bonelo Sam Dlamini II: Omunye wabo usaba ukushela nje, weza neqhinga lokuqamba ingoma. Yini ubugwala akushelwe ingane.
Mbongeleni Madlala: Vele uNongcebo isiphalaphala uphumalanga sikothe, isingqazu, isibatshazwa, isipheshethwa nephimbo lakhe elimtoti. ZIYAWUSHAYA KU-KHAYA NOBENGUZIME WAKULELI Thabsile Zwane: kanti babebangani? Awu laba ababili beSibaya
Spha Ndlovu: Waze wayenza into enhle uKhaya siyabonga, simfisela impumelelo kukho konke abazokwenza, sengathi uThixo engaba nabo abusise umshado wabo. Mofokeng Phoka: Siyakubongela mfowethu, uNkulunkulu abenani.
KUQOPHEKE umlando iqembu lesicathamiya lakuleli iLadysmith Black Mambazo iqokwa eminxeni emibili emcimbini omkhulu wezindondo emhlabeni, owaziwa ngamaGrammy Awards.
NgoLwesibili kumenyezelwe abaculi abazoqhudelana emcimbini omkhulu ozoba ngoJanuwari 28.
IMambazo, esike yathola amaGrammy amane, iqokwe emkhakheni weBest World Music Album nge-albhamu yabo ethi Shaka Zulu Revisited: 30th Anniversary Celebration, yaphinde yaqokwa emkhakheni weBest Childrens Album, nge-albhamu yayo ethi Songs Of Peace & Love For Kids & Parents Around The World.
UXolani Majozi okhulumela iqembu, uthe ukuqokwa kwabo kusho lukhulu.
“Ukuqokwa nje emunxeni owodwa kusho lukhulu, ukuwina-ke wokunye. Njengoba isimibili nje kujabulisa ngenye indlela. Siyabonga kakhulu ngokuqhubeka nokukhonjiswa uthando siyiqembu leMambazo,” kusho uMajozi.
Uthe umsebenzi owenziwa wumsunguli weqembu, uDkt Joseph Shabalala, usabonakala namanje.
“Yize yena engasekho eqenjini kodwa imisebenzi yakhe iyabonakala. Imbewu ayitshala isalokhu iqhubekile nokuthela izithelo,” kusho uMajozi.
Uthe nakanjani lo mcimbi bazowuhambela njengoba besuke beye phesheya kwezilwandle.
“Njengoba ungoJanuwari nje, vele iMambazo isuke ingekho eNingizimu Afrika. Kukhona imicimbi esuke siyihambele size sibuye ngo-Ephreli,” kusho uMajozi.
UNgqongqoshe eMnyangweni wamaSiko namaCiko kuzwelonke, uMnuz Nathi Mthethwa, nowesifundazwe saKwaZulu-Natal, uNkk Bongi SitholeMoloi, babongele iMambazo ngokuqokwa kwayo.
Omrepha baseMelika uJay-Z noKendrick Lamar baqokwe kakhulu kulo mcimbi.
UJay-Z uqokwe eminxeni eyisishiyagalombili nge-albhamu yakhe ethi 4:44.
UKendrick uqokwe kayisikhombisa walandelwa uBruno Mars.