Bamashele ukuthi abaqashwa kuhulumeni
UMASIPALA weTheku ugqugquzele abakhubazekile ukuthi bafake izicelo zomsebenzi ngoba akhona amathuba afanele bona kulo masipala.
Izolo, kume nse ukuhamba kwezimoto eThekwini ngesikhathi abakhubazekile bemashela ukungaqashwa kuhulumeni nakwezinye izinkampani ezibabukela phansi ngenxa yokukhubazeka.
Njalo ngoDisemba 3 abakhubazekile baqwashisa umphakathi ngesimo sabo emhlabeni jikelele.
Basuke emgwaqweni uDkt Pixley kaSeme baya kuDorothy Nyembe baze bayoma eCity Hall lapho befike bethula khona uhlu lwabo lwezikhalo.
Baphinde bagqugquzela bonke abakhubazekile ukuthi bafake izicelo zomsebenzi namalearnerships ukuze baqashwe ngumasipala.
UNksz Buhle Makhanya oyiMenenja ye-Employment Equity Office kuMasipala weTheku, okuyihhovisi eliqinisekisa ukuthi wonke umuntu ofaka isicelo somsebenzi uyawuthola umsebenzi inqobo nje uma enekhono elidingekayo uthe baningi abantu abakhubazekile abahleli emakhaya abangazi ngalolu suku.
“Ngiyathemba ukuthi nabo bazothola izeluleko zokuthi umsebenzi utholwa kanjani kumasipala nakuhulumeni wonke uhlangene. Nakumafomu okucela umsebenzi kumasipala sigcizelela ukuthi sidinga abantu abakhubazekile kodwa abawafaki amaCV,” kusho uNksz Makhanya.
UMnuz Siyabonga Mthalane (29) waKwaDabeka, owathola i-learnership kumasipala uthe uyabonga kakhulu ngoba usuyishintshile impilo yakhe yaba ngcono.
Uthe wakhubazeka emuva kokudutshulwa ekhanda eneminyaka ewu-19 eqeda ukubhala izivivinyo zika-matric.
“Ngiyabonga kakhulu ngalolu suku lokukhuthaza abangazi ngokuthi amathuba