Imangaze abaningi iVuma FM yenyusa ngesivinini izibalo
UMSAKAZO oshiye abantu abaningi bekhexe imilomo kuphuma izibalo zabalaleli ngokwedlule ezaveza ukuthi unabalaleli abangu-34 000, umangaze abaningi izibalo zakamuva ziveza ukuthi sewunabalaleli abangu-134 000, okusho ukukhula ngesivinini. IVuma FM ike yehlelwa abalaleli ekubeni inabasakazi abanohlonze okubalwa kubo uDJ Sbu noMathumo Manaka. Njengamanje ekuseni inoMakhosi Khoza noZandile Dladla, olandelwa nguVanessa Marawa kanti ntambama banoTrevor Phillips obekwiGagasi FM. Okuphawulekile ngesikhathi yenza izinguquko ngaphansi kukaPearl Sokhulu ongumphathisiteshi, ishintshe umculo yaphinde yacacisa ukuthi ngobani abalaleli bayo. Uzomkhunjulwa uPearl esusa phansi iGagasi FM elibeke esicongweni.
UTee Van Heerden okhulumela lo msakazo uthe, ukukhula kwezibalo kubajabulise kakhulu. Uthe kubasizile ukulalela abalaleli, okuyibona ababatshelile ukuthi bafunani.
“Abalaleli balo msakazo sebeyakwazi manje ukuxhumana nathi ezinkundleni zokuxhumana ezehlukene, ngisho noWhatsApp, esibona ukuthi iyona into esisize kakhulu ekukhuleni kwezibalo,” kusho uTee.
Uthe izibalo zakamuva zikhombisa ukukhula njengoba zifinyelele ku-148%.
Omunye umsakazo okhombise ukukhula iGagasi FM, ebelehlelwe ngabalaleli. Like lahlala isikhathi eside linabalaleli abangu-1.8 million. Kwathusa kakhulu ukwehlela kwalo ku-1.3 million.
Ezibalweni zokugcina zalo nyakaiGagasi lifinyelele ku-1.5 million.
Umsakazo omkhulu kuleli uKhozi FM kusuka ngoEphreli wehlelwe ngabalaleli. UKhozi ekuqaleni konyaka beluhleli ku-7.5 million, kodwa manje luku-7.2 million.
Lulahlekelwe ngabalaleli abangu-365 000. Okwenzeke kuKhozi kucishe kufane nokwenzeke kuMetro FM nayo eyehlelwe abalaleli bayo. Imisakazo yomphakathi Izwi Lomzansi neNongoma FM, ikhombise ukukhula kakhulu.
Isolezwe lizamile ukuthola uKaizer Kganyago okhulumela imisakazo yakwaSABC ukuthi aphawule ngezizathu abacabanga ukuthi yizona ezenze behlelwa yizibalo kodwa ucingo lwakhe belukhala lungabanjwa nomyalezo ashiyelwe wona ugcine engawuphendulanga. UMKHWANAZI UCHITHA EYOKUYA KWI-PIRATES Sibongiseni Petros Shezi: Ave ecika umuntu ophika into eyiqiniso njengalena. Siyazi vele ukuthi uKhoza uyakudinga kuPirates futhi useqedile ukukhuluma nawe nekilabhu okuyona osekusele nje ukuza kuPirates.
Manqoba Sgadla: Asishodi emuva, sishoda ngomgadli kuphela thina, angezi ngoba uzokhuhla ibhetshi.
Mfoloz’emnyama Ikhethabaweli: Vele asimdingi uyaboza, sineme ngalaba badlali bethu.
ITHEMBA NGOSHWELE KWABADONSA UDILIKA JELE
Mzoh-zn Zwane: Angiboni ukuthi umbono omuhle lowo. Ababoshwa abaqede isigwebo sabo ngoba bashiya umonakalo la ngaphandle.
Kholiwe Xaba: Baze babahle bo. Umuntu ushimile kanti amadoda ayadonsa emajele.
Smanga Zulu: Ohhe! Umuntu engathi kungcono ayozakhela umuzi wakhe ngaphansi kolwandle uma kunje. Babona ukuthi lezi zigebengu zisibulala kancane kungcono bakhiphe imigulukudu engenanembeza manje izosiqotha.