Le Opel iyezwa uma umshayeli esekhathele
IMOTO: OPEL CROSSLAND X
I-OPEL yethule imoto yayo entsha iCrossland X enethemba lokuthi izokwazi ukudoba abathengi bezimoto ezisesigabeni seB-SUV.
Le moto yomndeni itholakala ngezinhlobo ezine futhi abathengi bakwazi ukukhetha phakathi kweshintshwayo nezishintshayo.
Into abayigqamisa kakhulu kwa-Opel ngayo wukuthi iyimoto yomndeni osemncane, inesikhala esanele sokulayisha, infotainment esezingeni, injini ekahle futhi inhle.
Ubude bayo bungu-4.2 metres kanti i-wheelbase yayo ingu-2.6 metres. Ngaphambili inamalambu amakhulu anama-LED daytime running lights. Emzimbeni ngenzansi ifake ‘isiketi’ esimnyama. Ngemuva amalambu aphakeme. ICosmo inyathela ngamasondo angu-17 inch futhi inama-roof rails okhakhayini. Ezinye izinhlobo zinamasondo angu-15 inch.
Ngaphakathi izihlalo ziphakeme ukuze umshayeli awubone kahle umgwaqo. Izihlalo zangemuva ziyakwazi ukugoqeka ukuze kwande isikhala sokulayisha.
I-centre console ayinalo uxhaxha lwamabhathini ngenxa yokthi ine-touch screen ukuze kube lula ukuyisebenzisa.
Abashayeli bakhetha phakathi kwe-touch screen esingu-7 inch noma u-8 inch kanti ukwazi ukuxhuma iselula ye-Apple noma i-Android.
Umculo ungawudlala ngeUSB, Bluetooth, Apple CarPlay futhi ukwazi ukubuka izithombe ezikwi-USB. ICosmo ineNAvi 5.0 IntelliLink ene-navigation system. Isiteringi sinamabhathini okulawula izinto njengomsakazo nokunye.
Ifika ne-cruise control ene-speed limiter, Hill Start Assist, ama-airbag ayisithupha ahlanganisa neyasekhanda, amalambu ayazikhanyela uma kumnyama nokunye.
Inhlobo yeCosmo ne-Enjoy zifika nama-wiper azishayayo uma lina, ikhamera eveza ingemuva uma uhlehla, isibuko sokubuka ngemuva siyazidima, iyabika uma izoshayisa ngaphambili nangemuva futhi inama-fog lamps.
ICosmo ungakwazi ukuyifaka amalambu abizwa nge-Adaptive Forward Lighting LED aneHigh Beam Assist, Cornering Light ne-Auto-Levelling Lights.
Yona ine-Advanced Park Assist eyenza ukuthi izijikele isiteringi uma ingena endaweni yokupaka umshayeli agade amabhreki neHead-up Display.
Kwezokuphepha iyakwazi ukuzibhrekela uma kunobungozi, iyabika uma izoshayisa ngaphambili, iyakwazi ukubona umshayeli uma esekhathele futhi iyasho uma kukhona imoto kwiblind spot.
ICrossland X inezinjini ezimbili. Kukhona eyi-1.2 litre 3-cylinder ne-turbocharged. Inamandla angu-60 kW ne-torque engu-118 Nm. Enye inamandla angu-81 kW ne-torque engu-205 Nm.
Engenayo i-turbo idla amalitha angu-5.2 ngebanga lika-100km kuthi enye idle u-4.8 ngebanga elifanayo. Ziyazicisha uma zima ukuze zonge. AMANANI Crossland X Crossland X Enjoy Crossland X Cosmo
R 345 000 Crossland X Cosmo Auto
R 360 000
Iphuma ne-warranty yeminyaka emihlanu noma u-120 000km ne-roadside assistance, anti-corrosion warranty yeminyaka emihlanu ne-service plan yeminyaka emithathu noma u-60 000km.
Kumele iye kwiservisi njalo ngemuva kokuhamba u-15 000km.