Iyenyuka intengo yeSolezwe ngeSonto
IPHEPHANDABA eliyintandokazi ngamaSonto, Isolezwe ngeSonto, lazisa abafundi balo ngokwenyuka kwentengo yaleli phephandaba kusukela ngoDisemba 17, kulo leli Sonto.
Lokhu kwenyuka kudalwa ukungami ndawonye kwezindleko zokushicilela nokusabalalisa iphephandaba kusukela lashicilelwa okokuqala ngoMashi 30, 2008 lisabiza uR2,50.
Iphephandaba liyasiqonda isimo sezomnotho ezweni esithwalise kanzima iningi labathengi, kepha bekunzima kakhulu ukuqhubeka nentengo iphephandaba ebelihleli kuyo zibe zinyuka izindleko zokulikhiqiza.
Kusukela ngoDisemba 17, intengo yephephandaba isizoba uR4,00, isuka kuR3,70.
Iphephandaba lisazoqhubeka nokukuphakela zishisa izindaba ezithinta osaziwayo, ezombusazwe, ezemidlalo nazo zonke izingosi ezikhonzwe ngabafundi njengoQekethwayo, Ezingajwayelekile, Ake Sikwazi nokukuhlaziyela ngokujulile ezombusazwe nokwenzeka ezweni. Gabi Gabi...okuhlabahlosile okuqukethwe
Njengoba isiqalile imicimbi kaDisemba, uMaGumede ukhuza umkhuba wamambawu ehlela ngezansi. Ikwenzela yonke into, ikunika uthando nemali, inesikhathi sakho sonke. Kodwa ujola nendoda eshadile. Zizwele ukuthi kungani uMaGumede esho kanje. Ngabe kusewulaka lolu olwenze uhlale ubhaxabula ingane yakho noma nawe usudinga usizo? Zizwele ukuthi bathini ongoti ngabesifazane abanolaka ezinganeni.
Sibuya emazweni aphesheya isalukwazi saseKZN esishaya umakhweyana EZEMIDLALO - Ingwazi ibeka uSteve ijoka lokusula izinyembezi - Sixoxa nesiqongqwane seBidvest Wits. - Umqeqeshi weRoyal Eagles akaboni kuzongqubuzana izitimela.