IFord Ranger isithuthukisiwe
INTANDOKAZI yemoto engenye yezidayisa kakhulu zinyanga zonke eNingizimu Afrika, iFord Ranger, isithuthukisiwe ukuze iqhubeke nokwenza kahle emakethe.
Ngalezi zinguquko iFord ithe ifuna ukuhambisana nesikhathi futhi ibe phambili ngezinto kunezimbangi zayo,
IFord Ranger ikhiqizwa eNingizimu Afrika embonini yale nkampani iSilverton Assembly Plan ePitoli.
Zonke izinhlobo zeXLT neFx4 sezifika neFront Park Assist. Zivele zifika neyangemuva ehlanganisa ikhamera eveza ingemuva uma uhlehla. Lokhu bathi kuzosiza kakhulu kwezokuphepha uma uyimpintshisa endaweni encane.
IFx4, phambilini ebitholakala kuphela kwiRanger 3.2 Double Cab XLT 4x4 isiyatholakala eyisibalo esikaliwe nakwiXLT Double Cab. Itholakala ezinhlotsheni ze-2.2 ne-3.2 litre ezihlanganisa eno-gearbox oshintshwayo nozishintshayo.
IMenenja Jikelele yezokuKhangisa kwaFord kuleli, uTracey Delate, uthe lokhu kungenxa yokufunwa ngamakhasimende futhi balalele wona kakhulu.
IFx4 ihluke ngezinto ezimbalwa kuneRanger eyejwayelekile njengoba inemibala emnyama kwi-radiotor grille, ikuma-fog lamps, izibuko zasemaceleni, roof rails kanjalo nezibambo zezicabha. Amarimu angu-17 inch nawo mnyama kanjalo nesitebhisi sokugibela neFx4 tubular sports bar ne bed liner esikhenkeni.
Amakhasimende asengakwazi ukuthi afake i bed liner esikhenkeni kwiRanger mahhala. Uma sinokulimala okuncane uyakwazi ukuyosilungisa egaraji lale nkampani.