U-Cndo uyacacisa kolwe-video
BALWE BAPHENDULANA NGAMA-VIDEO OSAZIWAYO
Nonjabulo Dlamini: Babulawa wumona ngoba bephelelwe wushatini laba. Vele uCndo wasizwa wuMampintsha.
Mxolisi Bucs-Gang Nkosi: Ngiyibonile leyo video. Kodwa uCndo ngimthemba kangaka uhleba kanjani ngabantu asebenza nabo.
Pule Letsaba: Ave ngimthanda uTipcee, manje uyahleba? Uyangiphoxa.
INJABULO AMATEKISI EBUYELA EMZILENI EMNAMBITHI
Mxolisi Buthelezi Sondiya Enquthu: Kazi uhulumeni wethu uyokwesaba kuze kube nini ukumelana nezinqumo ozithathile. Kusho ukuthi nakwenye indawo uma beke bawamisa amatekisi umphakathi kumele uteleke bowavulela ngakusasa. Safa ukuphathwa abantu abanovalo, basazoqhubeka babulalane.
Dumisani Teddy: Nijabule kodwa kungadutshulwa bantu-ke ngoba nisibonile isifundo sokuswela ezokuthutha. Ashiselwani amabhasi ngoba umuntu unelungelo lokusebenzisa isithuthi asithandayo?
UMAHLASELA ANGASE ADLALE NGESIZINI EZAYO
Xolani MzukulukaManyosi Shandu: IChiefs imthenge ngoba ifuna ukushintsha izinto manje uselimele-ke. Ngamanye amazwi nje iChiefs isilimele, ukube kuyenzeka ngabe imphindisela emuva.
Thato Ntando Phohlo: Eyi ubenebhadi uMahlasela, efika nje eqenjini useyalimala. Ngiyamazi lo mfana kwiCeltic ubukhali , akasheshe alulame.
UDJ CNDO, obonakala kwi-video esezinkundleni zokuxhumana ehleba nomculi uTipcee, uthe babekhuluma ngokukhathazeka kwabo ngokushabalala kweBig NUZ.
NgoLwesibili uMampintsha noBabes Wodumo bafake i-video emakhasini abo ku-Instagram besola uCndo noTipcee ngokuhleba ngabo.
UCndo uthe i-video indala ngoba yaqoshwa phakathi kukaSepthemba no-Okthoba nyakenye.
“UTipcee wayengaboni ukuthi i-live video isiqalile ukushutha. Ngayibona kudala i-video futhi ngavele ngazi nje ukuthi izodala ukukhuluma,” kusho uCndo. Kule nkulumo kuqhamuka uTipcee ethi: “Kodwa bayahlohlana laba.” Kube sekungenelela uCndo oqhamuka ethi: “Bawumbhedo bobabili, kade nganginitshela.” UTipcee uyaqhubeka athi: “Mina bengingazi ukuthi unenhliziyo embi kanje ulokhuzana.” Kube sekuqedela uCndo athi: “UMampintsha uSathane wokugcina-ke lowo.” UTipcee ube eseqedela athi: “Mina bengicabanga ukuthi uDanger ke.” UCndo uthe uBabes akangeni ndawo enkulumeni yabo ngoba babekhuluma ngeBig NUZ. “Siyamjabulela uMampintsha ngempumelelo yakhe kodwa sibona sengathi akasayinakile iBig NUZ. Ngangithi uSathane owenze kwaba khona uqhekeko phakathi kwabo.” Uthe umcasulile uMampintsha uma ethi uyena omenze waduma. “Kwi-albhamu yami iBig NUZ yayingekho futhi yadayisa igolide. Uzama ukuthini uma ethi wangenza? Wacula ezingomeni ezilandelayo futhi ngiyakubonga lokho. Uma enenkinga unayo inombolo yami.” Uthe ukhathazekile ngoqhekeko kubaculi baseThekwini ngoba iBig NUZ ingelinye lamaqembu ababukela kulo. Imizamo yokuthola uMampintsha izolo ayiphumelelanga ngoba ucingo lwakhe belukhala bese luyavaleka. UDanger uthe: “Ngiyamxolela uTipcee ngokuthi ubecabanga ukuthi ngiwuSathane.” Uthe mabangaphatheki kabi ngokuhlukana kweBig NUZ, okwesikhashana, ngoba bakhulisa izinkampani zabo. “Njengoba kuqala unyaka nje ngigxile enkampanini yami i-108 Entertainment noMampintsha umatasa ngeyakhe. Abantu bayakwazi kodwa ukuqasha iBig NUZ. Kubalulekile ukuthi sikhule. Kuzothi uma konke sekuhamba kahle sibuyele estudiyo kuphinde kube mnandi.” UTipcee naye uveze umuzwa wakhe ngokuvela kwale video nala ethe kukhona abanomona ngempumelelo yakhe. “Uma abantu oncintisana nabo bebona ukuthi usuyingozi kubona usubhalwa kahle emaphepheni, umenywa ezinhlelweni zethelevishini ngeke bajabule. Uma sekuvumbuka ama-video amadala agcwale ezinkundleni zokuxhumana, yindlela yabo yokuziphindiselela leyo. Yindlela yabo yokuvikela into abazitshela ukuthi ‘eyabo’. Abathandi uma usuphefumulela emiqaleni yabo sebezwa ukuthi uyasondela. Kunalokho bazama ukukuvalela ngaphandle. Hhayi ngoba uyisitha sabo kodwa ngoba abathandi ukubona abanye abantu benza abakwenzayo,” kubhala uTipcee.