ICity icuthele oweKings ovutha uphondo
IPOLOKWANE City ilangazelele ukusayinisa umdlali weReal Kings uMondli Miya oyibamba ngakwesokunxele phambili.
Lezi zindaba ziqinisekiswe nguVusi Mtimane wezokuxhumana kwiPolokwane, ngesikhathi elumana indlebe naleli phephandaba izolo ntambama.
“UMiya siyamfuna. IKings nayo iyazi ukuthi siyamfuna lo mfana. Sisenzile isicelo ngenhloso yokuthi simthathe abe ngowethu. Uphethe inxele elimnandi lo mfana. IKings sikhulumile nayo yathi izobuyela kithina. Sesilinde yona. Njengamanje nguyena umdlali esesibheke ukumsayinisa bese siyavala emakethe. Inkontileka yesibambiso uvele useyisayinile,” kusho uMtimane.
UMiya uvutha engabaselwe kwiKings ngakwesokunxele phambili. Iqembu lakhe lilwela ukunyukela kwi-Absa Premiership. Njengamanje lihlezi endaweni yesithathu kwilog yeNational First Division (NFD).
Ngempelasonto lithele othulini iJomo Cosmos ngo 1-0 eSugar Ray Xulu Stadium, eClermont, emdlalweni weNFD.
Imizamo yokuthola uPhilani Majola oyisikhulu esiphezulu seKings igcine ingaphumelelanga njengoba ucingo lwakhe belukhala kodwa lungabanjwa.
Sisekuzo ezithinta iNFD, usihlalo weRichards Bay FC uJomo Biyela utshele leli phephandaba ukuthi usesayinise insika yomdlali uMumuni Abbubaker oyibamba enkabeni yenkundla.
“Ngisayinise inkunzi uMumuni. Ngempelasonto nje udlalile ngesikhathi sibhekene noThongathi,” kusho Biyela.
U-Abbubaker uke wayibamba kwiMamelodi Sundowns ngaphambi kokuthi adlulele kwiBlack Leopards.
Elinye iqembu laKwaZuluNatal elivuke ngomdlali, yiRoyal Eagles okuvela ukuthi isayinise uMasibusane Zongo. Leli nxele lichithe isikhathi esiningi liboshiwe eKapa. Beliboshelwe ukudlwengula kodwa labuya lakhishwa.
Kuthintwa uJames Dlamini oyimenenja jikelele ye-Eagles uvumile ukuthi uZongo usebuyile kwi-Eagles.
“Akakaze ahambe ngakho ngeke ngithi simsayinisile. Ubenezinkinga eziholele ekutheni anyamalale kodwa sezilungile. Thina sikholelwa ekutheni awukho umgqomo wokulahla umuntu. Abadlali esibasayinisile nguMsawakhe Mncwango ongunozinti obegijima kwiDurban FC (edlala ku-ABC Motsepe League), Baysel Goldstone obekwiLamontville Golden Arrows noPatrick Highlands Park v Real Kings (Makhulong Stadium); Richards Bay v Stellenbosch (Umhlathuze Sports Complex); Mbombela United v Ubuntu Cape Town (Kanyamazane Stadium); Pretoria University FC v Super Eagles (ABSA Tuks Stadium); Mthatha Bucks v Royal Eagles (Mthatha Stadium); Witbank Spurs v Uthongathi FC (Puma Stadium) Tshakhuma Tsha Madzivhandila v Black Leopards (Thohoyandou Stadium); Jomo Cosmos v Cape Town All Stars (Vosloorus Stadium)