Makufundiswe isigungu ngezezimali
MHLELI: Njengoba emanyuvesi abafundi bezofunda mahhala sicela umnyango wezemfundo uke ulekelele abazali bethu ezikoleni zasemakhaya.
Ngike ngaya emhlanganweni wesikoleni iVezobala High eDukuduku ngonyaka ofile ngoDisemba kuyisonto. Ngithuke kabi uthishomkhulu wakhona egqugquzela abazali ukuthi abakhokhe imali kanogada wasebusuku njengoba eyedwa unogada osebenza emini kanti ebusuku kwebiwa ukudla MHLELI: Kwelingashayi eceleni ngithi ake ngiphawule ngento enhle eyenziwa yisikole sangakithi futhi esesiyenze iminyaka ilandelana. Uma kukhulunywa ngokusebenza kanzima nokuzimisela ekuthuthukiseni ikusasa lezingane ekufundeni nasekudlaleni kuthi angiphawule ngeZama High eSosizweni eMajuba. Ngemuva kokuzwa umsakazo uKhozi lubabaza ukuzimisela kwalesi sikole ngibone kukuhle ukuthi ngiphawule nami ngaso.
I-Zama High ithole u-98.6% ezinganeni eziwu-199 kwathi u-72% wazo wathola amaBachelor noDistinction abawu192. Kulesi sikole akukhokhwa ngisho notiki njengoba sikuQuintile 2. Isimanga kwezingane.
Ngisho ezikhungweni zemfundo ephakeme asimkhokheli unogada, kunganike abazali bethu bezokhokhela unogada ikhona imali yalokho ephaketheni likathishanhloko.
Omunye umama wakhala ngokuthi yena unezingane eziwu-8 okusho ukuthi njengoba kuthiwa akukhokhwe uR40 kumele akhokhele ingane eyodwa noma umuzi owodwa? Uthishanhloko waphendula ngokuthi ngabe lezingane akhuluma ngazo zidlela kubheseni owodwa yini? Wathi ingane izokhokha uR40 ngayinye okunguR320 sezizonke. Omunye ubhuti wazama ukumkhuza uthishanhloko kodwa wakhombisa ukungamuzwa wafuna abazali bekhokhe ekubeni uhulumeni eyikhipha imali elekelela izikole zasemakhaya le okufanele kucashunwe kuyo kuqashwe unogada. Kwacaca ukuthi abazali kabazi lutho ngale mali nesigungu esilawula isikole ayinamandla kuyo.
Uthishomkhulu wathi nguyena yedwa owathola umbiko wezimali ongenagcobho ezikoleni ezakhele iHluhluwe ngoba wakwazi ukusebenzisa imali kahle kwasala imali engekho ngaphansi kukaR58 000 kwi-akhawunti yesikole. Okwaxaka-ke wukuthi njengoba ethi abazali abakhokhe imali ngenkani kungani engasebenzisi le esele nazoyithola kulo nyaka. Lokhu ngikuthatha njengobugebengu ngoba kusho ukuthi sikhokha imali yesikole ekubeni abazali abaningi bakhulisa izingane ngabodwa futhi bathembele esibonelelweni sikahulumeni.
Umnyango awusifundisele ezigungu eziphethe izikole umsebenzi wawo ngoba yibona abantu abangazi lutho kodwa bemi phambi kwethu, abaqondi nangemali etholwa yisikole egcina ingene eziswini zothisha. Zandile Ntshangase EDUKUDUKU