Kuthulwe iPicanto ezishintshayo
SEKUZOBA wubukhosi ukushayela iKia Picanto edolobheni elinesiminyaminya kwazise ngeke sibe khona isidingo sokulokhu ushintsha amagiya njengoba kwethulwe ezishintshayo.
Enomshini ozishintshayo i four-speed automatic transmission uzotholakala kuphela kwi-1.2 SMART.
Kufika ezintshayo nje, phambilini le moto ibitholakala kuphela ngo-gearbox ozishinshayo oyi-5 speed manual transmission.
Selokhu yethuliwe iPicanto ezinyangeni ezingaphezulu kweziyisithupha ezedlule sekudayiswe angaphezulu kuka700.
Kusukela ngo-2011 sekudayiswe angaphezulu kuka-1.4 million.
Ngaphansi kwebhonethi inenjini engu-four-cylinder 1.25 litre MPI enamandla angu-61 kW netorque engu-122 Nm. IPicanto 1.2 SMART eshintshwayo
Ngonyaka owedlule sibe nenhlanhla yokuvivinya iPicanto 1.2 SMART eshintshwayo.
Lo mncanyana wakwaKia ugabe ngobuhle, ubuchwepheshe nokuhamba kamnandi emgwaqweni.
Ngaphambili inekhala elithe ukucija yaba namalambu amakhulu aze aphelele emaceleni. InamaLED daytime running lights nama-fog lamp. Eceleni ishaya nge-criss esuka phambili ize ishaye esinqeni. Ubuhle bengezwa nangamarimu ayo angu-14 inch.
Okhakhayini ine-sunroof. IPicanto entsha ukuphakama kwayo kungu-1 485mm, ubude bayo ngu-3 595 mm kanti ukuvuleka kwayo kungu-1 595mm. Lokhu kwenza ne-wheelbase ibe yinde okwenza isikhala sokuhlala sibe sikhudlwana kanjalo nesempahla ebhuthini.
Abagibeli abahlanu bayangena. Ibhuthi yayo ingu-255 litres lokhu okusizwa nawubuncane besondo eliyisipele elikhona.
Uma ulalise izihlalo ibhuthi ifinyelela ku-1 010 litres.
Uma uyibuka kwi-dashboard yinhle ngenxa yokuthi ayinalo uxhaxha lwamabhathini. Kunalokho ishaya ngescreen esingu-7 inch full-colour touchscreen infotainment system, ekwazi ukuxhuma
iselula ngeBluetooth udlale nomculo. Uma uphatha i-iPhone uyakwazi ukuyixhuma nge-Apple CarPlay bese ivela kulesi screen.
Uma uhlehla ikuvezela ingemuva nolayini abakala lapho uhlehlela khona. Inenombobo yokufaka iBluetooth kanjalo ne-USB. Ezisiteringini inamabhathini okulawula umsakazo, ukuphendula ucingo noma ukubheka imininingwane mayelana nohambo lwakho.
Amawindi avulwa ngogesi futhi izibuko zasemaceleni ziyakwazi ukushisa ukuze kusuke inkungu futhi uyakwazi ukuzigoqa ngebhathini.
Injini ungayibona incane kodwa ayizweli ngoba ngisho uyigijimisa ayiklinyeki ize ibange umsindo. Ngaleso sikhathi noma ujika emakhoneni ayithusi kakhulu ngoba ihleli.
Emgwaqweni ayiwungenisi umsindo wangaphandle uma uvale amawindi. Amagiya ayo angena kalula futhi yimoto emnandi ukuyishayela ngoba nobuncane bayo buyenza ichushe kalula esiminyaminyeni sasedolobheni. Nokuyipaka kulula ngoba isiteringi sithambile.
Kwezokuphepha iphuma namabhreki e-Anti-lock Braking System (ABS) namaairbag omshayeli nomgibeli. Inani:
Kia Picanto 1.2 SMART Automatic 495
Ifika ne-warranty yeminyaka emihlanu, iRoadside Assistance yeminyaka emithathu kanti i-service plan uyifaka uma uthanda. R212 Amanani ezinye izinhlobo: Picanto 1.0 START Manual R 137 995
Picanto 1.0 STREET Manual R 152 995
Picanto 1.0 STYLE Manual R 162 995
Picanto 1.0 STYLE Auto R 175 995
Picanto 1.0 SMART Manual R 183 495
Picanto 1.2 START Manual R 153 995
Picanto 1.2 START Auto R 166 995
Picanto 1.2 STREET Manual R 168 995
Picanto 1.2 STYLE Manual R 179 495
Picanto 1.2 STYLE Auto R 192 495
Picanto 1.2 SMART Manual R 199 495