Uvalo eMpumalanga kudutshulwa osomatekisi
AMAPHAPHU aphezulu kosomatekisi abakwiMpumalanga Taxi Owners Association emuva kokubulawa kukaMnuz Mthethomusha “Mthetho” Ngubane (38), odutshulwe emgwaqweni uN3 eduze kwaseHammarsdale, izolo ekuseni nomunye odutshulwe ngabo6.30 ntambama.
Kushaye isikhathi sokushicilela lingakatholakali igama likasomatekisi wesibili obulewe kodwa izindaba zokudutshulwa kwakhe ziqinisekiswe nguSihlalo weSantaco eDurban West uMnuz Mathula Mkhize othe sebezwile ukuthi kulimale omunye kodwa basaqoqa imininingwane.
Osomatekisi abangathandanga ukudalulwa amagama ngenxa yokusaba ukuthi bangase badutshulwe bathe isimo asisihle kusoseshini waseMpumalanga njengoba ungenabo ubuholi obuphezulu.
Baveze ukuthi ngoJulayi nyakenye kudutshulwe iPhini likaSihlalo, uMnuz Dumisani Magwaza kwathi ngoKhisimusi kwabulawa uMnuz Mbhekeni Hlophe odutshulwe ngentululwane yezinhlamvu.
UMnuz Mluleki Mntungwa, obhekelele ezokuxhumana eMnyangweni wezokuThutha, ukuPhepha koMphakathi nokuXhumana KwaZulu-Natal, uthe uNgqongqoshe uMnuz Mxolisi Kaunda ukhathazekile ngokubulawa kosomatekisi embonini.
“Ungqongqoshe uhlela umhlangano namalungu kasoseshini waseMpumalanga nezinye izinhlaka ezithintekayo ukuthola ukuthi kwenzekani. Umhlangano uzoba maduze ngoba ungqongqoshe ufuna siphele isihlava sokubulawa kosomatekisi. Ugqugquzela namaphoyisa ukuthi akuphenyisisie ukubulawa kosomatekisi,” kusho uMntungwa.
Imizamo yokuthola umndeni kaNgubane ukuthi uphawule ayiphumelelanga njengoba zingatholakalanga izinombolo zawo.
UMkhize, uthe baphatheke kabi ngokuqothana eMpumalanga futhi