Kuboshwe ibhungu kufa owesifazane
zakhe.
“Sahlukana eyobheka izingane. Wahamba isikhathi eside engasabuyi. Silandelile saya endlini sayobheka ukuthi kwenze njani. Sifike endlini obegade izingane wathi uCindy ufike wangqongqoza kodwa wangamuzwa, kwezwa ingane yakhe ebikwelinye ikamelo. Ithe iyalunguza yambona ehleli phansi. Esahleli kanjalo kwaqhamuka umuntu engamazi wamhudula wayosithela naye,” kusho yena.
Obegade izingane uthe uphumile wayobheka wangaboni muntu, wabuyela endlini, walala.
“Nathi silandelile saya kubo kwebhungu ngoba ingane ichaze ukuthi lowo muntu ubegqokeni. Umfowabo ulilandulile wathi alikabuyi, sabuyela esipotini sizitshela ukuthi mhlawumbe uhambe nesoka lakhe,” kusho yena.
Uqhube wathi umufi waqala ukuphuza ngoLwesine ephuma kohola imali yeqolo esiteshini.
Wabuya esiteshini ehamba nabanye abantu besilisa ababethenge utshwala kwaphuzwa. Uthe kabasebenzi kodwa baziphilisa ngokuwashela amadoda abathengela utshwala abanike nemali. “Siqale ukukhathazeka uma sibona kuze kushaya u-11 ekuseni ngoMgqibelo, engabuyi. Sabuyela kubo kwesesheli. Umfowabo uthe sikhona silele kodwa umufi akekho. Isidumbu sakhe sitholwe nguye umfowabo esihlahleni esisegcekeni.”
Unina omncane kamufi, uNkk Thabile Maphanga, uthe bashaqekile ngokwenzeke kumufi.
“Besazi ukuthi uyaphuza kodwa besingalindele ukuthi impilo yakhe ingaphela kanjena. Ushiye izingane ezimbili. Eneminyaka emibili ilokhu ikhala imbuza asazi nokuthi sizothini,”
UColonel Thembeka Mbele, okhulumela amaphoyisa, uthe kuboshwe owesilisa oneminyaka ewu-19 ngecala lokubulala owesifazane oneminyaka ewu-40.
Uthe isidumbu sikamufi besigxishwe izingubo emlonyeni, kusazohlolwa ukuthi akadlwengulwanga yini. Ibhungu lizovela enkantolo yeMatshi eNtuzuma maduze.