Amabutho achitha eyokuvikela uZuma
UMFELANDAWONYE wamabutho uthi awuhlangene nemashi yokuvikela uMengameli Jacob Zuma i#Hands Off Jacob Zuma, ezoba seGoli namhlanje emuva kokusabalala kombiko othi le nhlangano izimisele ukuqala impi uma kuwukuthi uZuma ukhishwa esikhundleni sakhe.
Le mashi ehlelwe yiBlack First Land First South Africa (BLFSA) izosuka enkabeni yeGoli ibheke eLuthuli House namuhla.
UNobhala womfelandawonye lwamabutho, uMnuz Dumisani Mshengu utshele Isolezwe ukuthi abangeni kwipolitiki futhi abazi igama labo lalifakelwani ohlwini lwezinhlangano ezizovikela uZuma ngokumashela ekomkhulu le-ANC, iLuthuli House.
“Siwumbimbi lwamabutho asiyona inhlangano yepolitiki kodwa singamabutho avikela isiko futhi aqoqa nesizwe. Asazi ukuthi ivelaphi inkulumo eyande ezinkundleni zokuxhumana, ethi sizoqala impi uma umengameli esuswa esikhundleni. Ngisho noMnuz Sizwe Zuma owayekhulumela umfelandawonye wamabutho akalona ilungu lethu futhi asizimisele ngokungena kwipolitiki singamabutho,” kusho uMshengu.
Uthe bahlangana noZuma (Sizwe) ngesikhathi becela umhlangano noMengameli Zuma ngoJanuwari 5, lapho babefuna ukukhuluma ngodaba lomhlaba nokunganakwa kweqhaza elibalulekile elabanjwa ngamabutho ezimpini zakudala.
Ubalule ukuthi amabutho ayelwa empini yaseNcome nezinye awuqoqwanga umlando wawo kodwa kugqame kakhulu owamaBhunu wona enza isithembiso noNkulunkulu.
Wathi noma ngabe uZuma uyaphuma esikhundleni akubathinti bona ngoba usuke evele efakwe yinhlangano yakhe yepolitiki.
UZuma (Sizwe) uvumile ukuthi akayena umkhulumeli wamabutho kodwa wayeyocacisa ukuthi ngeke amashe emuva kokubona inkulumo ezinkundleni zokuxhumana ethi nomfelandawonye wamabutho uzomasha.
“Amabutho ombimbi aqinisile uma ethi angilona ilungu lawo kodwa ngangiyoqondisa inkulumo yokuthi awangeni kwipolitiki emuva kokusabalala kwenkulumo eyayithi azoba yingxenye yemashi ethi Hands Off Jacob Zuma. Thina sifuna kuhlonishwe amabutho neqhaza elibalulekile alibamba ekukhululeni izizwe