Abangcwabi bezinsongo nesivumelwano noDoves
ABANGCWABI abazakhele udumo ngokuxosha abezinye izinhlanga emalokishini nasezindaweni zasemakhaya basayine isivumelwano esizothuthukisa amakhaza abo nabakwaDoves, eCoastlands Hotel, eThekwini izolo.
UNobhala Jikelele weNational Funeral Practitioners Association of South Africa (Nafupa SA), uMnuz Nkosentsha Shezi uthe isivumelwano sabo nabakwaDoves sisho ukuthi bazohlonyiswa ngolwazi namakhono abawadingayo bengabangcwabi abamnyama.
“Isivumelwano sigxile ekutheni sithole ilayisensi yomshwalense wethu, ukuthola ilayisensi yezobuchwepheshe esiza ukubhalisa amakhasimende kumshwalense. Ingqalasizinda njengamakhaza nezimoto, ukuqeqeshwa kwabantu, ukusebenzisana odabeni lwemingcwabo ethinta iRoad Accident Fund nezinye izinkontileka zikahulumeni,” kusho uShezi.
UMengameli weNafupa SA, uMnuz Muzi Hlengwa uthe bayajabula ukuthi bafinyelele esivumelwaneni noDoves, esizokwenza isiqiniseko sokuthi izinkampani zabangcwabi abamnyama ziyaphumelela.
Ugqugquzele nezinye izinkampani ukuthi zixoxe nabo ngenhloso yokubambisana nokufukula abangcwabi abamnyama. “Isivumelwano esisisayine noDoves sisho ukuthi abangcwabi abamnyama bazokwazi ukuphumelela kule mboni. Yize kunjalo sisaqhubeka nokuthi asibadingi abangcwabi bamaNdiya nababelungu THUMELA umbono ngalolu daba kuFacebook (Isolezwe), kuTwitter (@isolezwenews) noma umqhafazo ku-45773. I-sms ibiza R1,50. emalokishini nasezindaweni zasemakhaya ngoba nathi asiwangcwabi amaNdiya nabelungu. Lezi zinkampani kudala zidla emalokishini. Yisikhathi sokuthi zisidedele,”kusho uHlengwa.
Uthe abayona inhlangano enodlame. Uziqhelisile ekushisweni kwemoto ethwala izidumbu okukholakala ukuthi ngeyenkampani eyengamelwe abaphathi abangolunye uhlanga, eMlaza.
Uveze ukuthi isikhalo sabo ngodaba lokuthi kube nenkampani eyodwa edonsa imali kamasingcwabisane kwabahola izibonelelo zikahulumeni basikhulumile IKHASI ELIKHOKHELWE