Zithembisa lukhulu izintokazi ezilingisa kwi-Unmarried
IZIDUMBU KUGASELA IZIGEBENGU ETHAVENI ZIFUNA UTSHWALA NEMALI
Kwehlangamphimbomunye Mnikathi: Kuyosizani kodwa ukuyihlaba ilawulwe ngoba amaphoyisa ale ndawo uma ethintwa ebikelwa ngobugebengu abuza ukuthi ukhona yini osefile. Kusho ukuthi wona izinyathelo azithatha uma kunesidumbu.
Zinhle Nondumiso: Unembeza awusekho kubantu. Bekunani ukuyithatha imali notshwala bashiye imiphefumulo? Ngiyakhala kodwa ngomfo kaMkhize madoda ezihambela emgwaqweni ayi, kunzima eNtunjambili. Imiphefumulo yabo ilale ngokuthula nalaba abasesibhedlela balulame ngokushesha.
USERERO UDINGISWE UNOMPHELO YI-SAFA
Mancinza Nondaba: Ngiyacabanga kuzomsebenzela lokho uSerero, udlala kahle eHolland. Ngasohlangothini lezwe benzekahle ngeke sincenge umuntu oyedwa sidliwa ekhona, akasisizi ngalutho.
Sicelo Mchunu: Sihle kakhulu isinqumo abasithathile ukuze kube yisifundo nakwabanye abasacabanga ukuziqhenya njengaye. ZITHEMBISA into yamehlo izintokazi eziyingxenye yomdlalo i-Unmarried oqale ngoLwesihlanu esiteshini i-1Magic (channel 103).
URenate Stuurman noThembisa Mdoda balingisa izindawo eziphambili kulo mdlalo okhuluma ngabesifazane abathathu abangashadile.
Isiqephu sokuqala sishiye iningi libambe ongezansi. Nasezinkundleni zokuxhumana iningi belikhuluma ngawo futhi likubeka kucace ukuthi selilinde ngabomvu ukubona iziqephu ezilandelayo.
Ekhuluma neSolezwe uRenate uthe kuningi abantu, ikakhulukazi abesifazane, abazokufunda kulo mdlalo.
“Abesifazane bobathathu baphila impilo ehlukene kodwa bangabangani abakhulu. Kulo mdlalo kuzobuye kuhlale obala ukuthi lezi zintokazi azikhombisi okuyikho ngazo emphakathini,” kusho yena.
Uthe kuningi akufundile kulo mdlalo futhi uyathemba ukuthi kukhona abesifazane okuzothi uphela babe sebefunde okuningi.
“Impilo ezobonakala kulo mdlalo iphilwa yinqwaba yabesifazane ngakho siyathemba ukuthi njengoba usazobonakala amasonto amaningi abantu bazowuthokozela,” kuchaza uRenate.
Uthe uBrenda, intokazi ayilingisayo, kulindeleke ukuthi maduze acacise ukuthi kuzokwenzekani esokeni lakhe angene esontweni lishada nomunye wesifazane ekubeni lihlala naye. UThembisa uthe ukubonakala emdlalweni ofana nalona kumenze wathobeka. “Ngikholwa wukuthi abantu abaningi bazobona ithalente lami langempela ekulingiseni. Ngijabule ngokuthola ithuba lokulingisa kulo mdlalo,” kusho uThembisa othe kulo mdlalo ulingisa indawo kaThembi. “UThembi ngumama wezingane ezimbili, akasebenzi kodwa unesoka elisebenza esitolo sokudla elingenayo kahle imali. Kodwa izinto zizokwenzeka ngendlela naye angayibhekile empilweni yakhe uma kuza kwezothando,” kuchaza yena. Uthe abantu bazowujabulela lo mdlalo futhi nabo benze konke ukuthi uhehe.