Umhlaba esiwufunayo owathathwa amabhunu
kwaphela nangobukhosi okuyizinto ezazenziwa wuhulumeni wamabhunu. Namanje sisalwela ukuthi lo hulumeni wethu, abanye bethu ababezabalaza naye, ophethe manje azilungise lezo zinto.
Kuyiphutha-ke ukuthi esikhundleni sokuthi kuyophasiswa ePhalamende umthetho okuvunyelwene ngawo engqungqutheleni eNasrec umbutho wethu i-ANC ulibele wukuphambukela emhlabeni kaZulu wonkana. Kusho ukuthi asesatshwa namanje la mabhunu.
Yingakho lolu daba lomhlaba belunganakiwe iminyaka engaka sikuhulumeni. Esikhundleni salokho ngo-1996 owayengumengameli uMadiba wasayina umthetho, iWilling Seller Willing Buyer, osho ukuthi uma sidinga umhlaba thizeni kuyoba kulo ibhunu eliwakhele noma eliwengamele ukuthi liyawudayisa yini noma cha.
Lokho kwaba yiphutha futhi makungalungiswa iphutha ngephutha. Amaphutha awangalamani, akulungiswe umonakalo owenziwa ngabamhlophe.
Sikhuluma nje, kunezizwe ezinobukhosi boselwa ezingenamhlaba ezingondingasithebeni zihlala ezizwaneni nasemalokishini ngenxa yalolu daba lokudliwa komhlaba ongakabuyiswa kuze kube yimanje emva kweminyaka engaphezulu kuka-20 yenkululeko .
Sithi uhulumeni makaqonde ngqo isitha sodaba lomhlaba olwasihlukumeza. Masingahlukumezani sisodwa siyindlu emnyama. Umhlaba esiwufunayo osezandleni zamabhunu kwaphela nje. Jabulani Mdunge EMADUNGENI