Asonge ukugwema indlala ekuqaleni konyaka
MHLELI: Angizithobe kwelakho eliwela umfula ugcwele. Unyaka usuqalile futhi uyaqhubeka kanti nempilo iyaqhubeka, ikakhulukazi umzabalazo wabantu abasha ukuthi babe ngabakhululekile ngakwezomnotho.
Uma sisaqala unyaka wonke umuntu usuke enezifiso ezinhle nezinhloso ezinhle ngempilo ngakho kubalulekile ukuthi sikhuthazane ngokongiwa kwemali ukuze umuntu omusha akhulise umnotho wakhe.
Angikusho lokhu ukuthi kuyimbude ukuthi uzoqala ukonga imali ngoba usunemali eningi, empeleni okuningi kusuka kokuncane. Kulelo nalelo bhizinisi elincane noma itohwana olibambile kubalulekile ukuthi ukonga kube ngenye yezinto ezihamba phambili.
Uma ngabe udweba uhlelo lwakho lwezimali lwenyanga kumele kube khona imadlana encane oyibeka eceleni ukuyonga.
Empeleni ukonga kunomthelela omkhulu ekukhuliseni umnotho wakho, kwazise phela leyo nkece oyongile emuva kwesikhathi esithize uyakwazi ukwenza okuthize ngayo. Empeleni ziningi izindlela esingenza ngazo ukugwema indlala esihlasela kakhulu uma kuqala unyaka.
Kusuke kuwubudedengu nje ukuthi ngoJanuwari abantu bacwile ezikweletini kube sengathi bebengazi ukuthi lesi sikhathi sonyaka siyeza,
Uma singase sifunde ukwenza lokhu siyokwenza okukhulu. Umgogodla wakho konke lokhu wukuzakha nokuzenzela ngenhloso yokunganciki kuhulumeni. Ngiyathokoza. Thubelihle Machi EHARDING
Uyazi bengithi ungumqeqeshi ovuthiwe kepha kuyabonakala ukuthi ucashe ngoMngqithi manje,vele wasindela yena uMngqithi esehamba.
Le nto ngiyishiso wukuthi uthe utshele uMabunda ukuthi uma uKatsande emdlalisa kabi aphindisele. Ngabe usaqeqeshela ibhola noma i-wrestling?