I-BLSA ithi uRamaphosa akasimamise umnotho
IBUSINESS Leadership South Africa (BLSA) idonse ngendlebe uMengameli omusha waseNingizimu Afrika, uMnuz Cyril Ramaphosa, ukuthi asimamise umnotho wezwe ukuze kudaleke amathuba omsebenzi.
Isikhulu esiphezulu seBLSA, uMnuz Bonang Mohale, uthe uma kusimama umnotho kuzoncipha ububha, kwande amathuba omsebenzi, ikakhulukazi entsheni, kwehle negebe elikhula njalo phakathi kwabampofu nabacebile.
“Siyakwamukela ukuqokwa kukaRamaphosa futhi sifuna alungise isimo enhlanganweni eqoqa intela iSouth African Revenue Service (SARS) nakwiNational Prosecuting Authority (NPA) ebonakala sengathi isetshenziswa ngabafuna ukufeza izinhloso zabo,” kusho uMohale.
Uthe kufanele kufakwe abaholi abanolwazi lokuletha inzuzo ezinkampanini zikahulumeni eziwayo.
“Sicela uRamaphosa aqinisekise ukuthi ikhomishini yeJaji Raymond Zondo ephenya ngokulawulwa kombuso yidlanzana iqala umsebenzi wayo. Kufanele bonke okufanele bashushiswe bathole ithuba labo enkantolo. Kufanele kuxoxwe nosomabhizinisi, abasebenzi nomphakathi ngezinhleo zokuthuthukisa umnotho ngoba abantu badinga ukwazi ukuthi izinto zizolungiswa kanjani,” kusho uMohale.
Uthe bazoqhubeka nokusebenzisana nohulumeni bengosomabhizinisi kanti bayathemba ukuthi uRamaphosa uzolwa nenkohlakalo avuse umnotho wezwe nezinkampani zikahulumeni eziwayo. kuduke isitifiketi somculo sebamba likathishanhloko ne-laptop yakhe ehhovisi ngoLwesithathu. Lokhu kuthiwa kutholwe kwelinye ikilasi kulesi sikole.
“Ngithe zonke lezi zinto azingathintwa kuze kufike amaphoyisa ngoba sihlose ukuvula icala ngokuduka kwazo ehhovisi,” kusho uXimba.
Izolo bebengakalivuli icala. Batshele Isolezwe ukuthi basalinde ukuhlangana beyisigungu bese beyovula icala.