I-Peugeot ethintiwe lapha nalaphaya
I-PEUGEOT yethule kabusha imoto yayo i-208 GT-Line isithe ukuyithinta lapha nalapha ukuze ibukeke kangcono. Kuyinto ejwayelekile vele ukuthi izinkampani zithuthukise indlela izimoto zazo ezibukeka ngayo ngaphandle nje kokuthi ize iyakhe kabusha iyisusa phansi.
Kulokhu, i-208 GT-Line ishintshwe amalambu yafakwa amasha futhi inamaLED daytime running lights, inobhampa omusha. I-grille ihlotshiswe ngombala obomvu yabe isizungezwa ngombala omnyama ongathi uyacwebezela.
Ngemuva ishaya ngamalambu eLED. Emaceleni igqame ngamarimu angu-17 inch alloy wheels.
Ngaphakathi ishaya ngama-sports seats anezitishi ezibomvu, amabhande nawo abomvu kanjalo nasezicabheni.
Isiteringi, esinamabhathini siyisikhumba.
Phansi esicabheni nakuma-depals kuyialuminium.
Umshayeli ubhekana ne-iCockpit ekhombisa yonke imininingwane ngayo.
Phakathi nendawo kwi-centre console inetouchscreen engu-7 inch iPeugeot Mirroe Screen okwazi ukuxhuma ngayo amaselula e-Android ne-iPhone bese evela kwi-screen. Kwamanye amaselula usebenzisa iBluetooth noma i-USB.
Ezinye izinto enazo zihlanganisa isibuko sangemuva esizidimelayo, amalambu ayazikhanyisa uma kumnyama futhi ama-wiper ayazishaya uma lina.
Ngaphansi kwebhonethi ifika nenjini engu-1.2 litre PureTech three-cylinder engine. Ifuqa amandla angu-81 kW ne-torque engu-205 Nm kanti ukusuka ku-0 iye ku-100 km/h bathi kuyithatha imizuzwana engu-9.6. Ijubane layo elikhulu ngu-190 km/h.
Abazishaya ngakho isifuba wukuthi iyonga ngoba ngebanga lika-100km bathi isebenzisa amalitha angu-4.5 kaphethroli.
Ngakwezokuphepha iphuma ne-ABS, EBD, EBA, amaairbag omshayeli nomgibeli ngaphambili kanjalo namacurtain airbags. Inane-central locking ne anti-theft alarm. Amanani 208 ACTIVE 1.2 PureTech BVM 60kW MT R 224 900
208 ALLURE 1.2 PureTech BVM 60kW MT R 239 900
208 GT-LINE 1.2 PureTech BVM 81kW Turbo MT R 259 900
Zonke zifika ne-warranty yeminyaka emithathu noma u-100 000km ne-service plan yeminyaka emithathu noma u-45 000 km.