Igqama ikude iGlide entsha engazweli emabhambini
ISUKA EKHASINI 4
UMA uvala ibhonethi ngaphandle ubona imoto enhle eshaya ngemibala egqamile. Ukwazi ukukhetha kweyisishiyagalombili ehlanganisa omhlophe, obomvu neminye.
Ngaphambili ishaya nge-grille eyi-hexagon njengezinye izimoto zakwabo. Izinhlobo zeFluid neGlide zinechrome ngaphambili kanjalo namasondo anamarimu. Okuhle wukuthi nesipele sinerimu. IMotion yona ishaya ngama-wheel cover.
I-1.2 Glide inamadaytime running lights angamaLED okuyenza igqame uma iqhamuka.
Ngaphakathi ivulekile futhi ibhuthi yayo ingu-256 litre kanti uma ulalise izihlalo zangemuva iba ngu-1 202.
IGlide, okuyiyo ephezulu futhi ephuma nezinto eziningi, ibomvu ngaphakathi ecizabheni nangaphambili kwicentre console.
Esiteringini inamabhathini okulawula umsakazo, ixhuma iselula ngeBluetooth, AUX/ USB.
I-Fluid neGlide zona zishaya ngezibuko ezishisayo kusuke inkungu futhi zigoqwa ngebhathini.
Phakathi nendawo kune-infotainment system kwi-screen esingu-7 inch lapho ukwazi ukuxhuma khona iselula ngeBluetooth nokunye.
Siyakwazi ukuveza inkombandlela kodwa kumele uthenge iSD memory card ngoR2 500.
Iphinde ifike ne-aircon, ibhande uyakwazi ukulihlela ukuthi libe kuphi ehlombe. Ngaphansi kwezihlalo zangaphambili kunetray lokufihla izinto.
Kwezokuphepha iGlide ine-park distance control esiza ukuthi ungashayisi uma uhlehla.
Zonke zinama-airbag, eyomgibeli ngaphambili neyomshayeli ne-Advanced Brake System.
Ngesikhathi yethulwa eThekwini ngoMsombuluko sithole ithuba lokushayela iGlide.
Okufike kwangihlaba kakhulu umxhwele yindlela ethule ngayo ngaphakathi. Umsindo wenjini nowangaphandle awumningi ngaphakathi lokhu okwenza kungaciki ukuba kuyo.
Akugcini kuphela ngomsindo kodwa nasemabhampini ayishayi kuzwele kubagibeli ngenxa ye-suspension yayo.
Itorque yayo yenza ukuthi amandla iwathumele ngokushesha emasondweni lokhu okwenza ingezwakali ukuthi injini incane. Amanani
Ziphuma ne-warranty yeminyaka emihlanu noma u-150 000km, powertrain warranty yeminyaka emibili noma u-50 000km, i-roadside assistance yeminyaka emihlanu noma u-150 000 ne-service plan yeminyaka emibili noma u-30 000 kwiFluid neGlide.
Grand i-10 1.0 Motion manual R149 900
Grand i-10 1.0 Motion automatic R169 900
Grand i-10 1.0 Fluid manual R169 900
Grand i-10 1.25 Fluid manual R189 900
Grand i-10 1.25 Fluid automatic R206 900
Grand i-10 1.25 Glide manual R202 900