Omunye oshiyayo kwiGenerations
KUZOBONAKALA abalingisi abasha emdlalweni iGenerations: The Legacy kulandela ukuphela kwezindawo ezikade zilingiswa ngu-Andisiwe Dweba (Getty) noThulisile Phongolo obenguNamhla.
Emasontweni adlule Isolezwe libe ngelokuqala ukubika ngodaba lokushiya kukaThuli kulo mdlalo.
Izolo, kuphinde kwavela izindaba zokuthi indawo ka-Andisiwe iphelile kulo mdlalo.
Isolezwe likhulume nombhali weGenerations, uMfundi Vundla, oveze ukuthi bekunenhlolokhono yokuthungatha abalingisi abasha abazobonakala kuwo maduze.
“Siyabonga kakhulu kulaba balingisi bobabili ngendima abayiklamile kulo mdlalo 9 1 18 21 5 20 27 8 28 32 21 32 33 29 44 38 38 46 ngesikhathi sesiwubuyisa isibili kukade kuteleke abalingisi abadala. Bebe yizintokazi ezizimisele ngomsebenzi kodwa izindawo akade bezilingisa zifinyelele emaphethelweni,” kuchaza uVundla.
Uthe muva nje njengomdlalo bathathe isinqumo sokufuna abalingisi abasha.
“Intsha esiyitholile inethalente eliyisimanga. Sesiqedile ukwenza inhlolokhono ngakho sekushoda khona ukuthi kukhulunywe nabo ngezinto ezimbalwa bese beqala ukulingisa,” kuchaza yena.
Ukugcizelele ukuthi laba abaxoshwanga kulo mdlalo kodwa bese kufike isikhathi sokuthi baqede izindawo zabo bese umdlalo uya phambili.
Uthe laba basazobonakala kulo mdlalo izinyanga ezimbili bese kuyaphela ngabo, njengoba bengasaqophi. SICELA niziqinisekise izinombolo eziwinile ezindaweni zeLotto ezisemthethweni. ISOLEZWE ngeke likuvumele ukuthathelwa izinyathelo zomthetho uma kwenzeke iphutha.