Ukhuthaze abantu ukuba bafunde izincwadi
USOMABHIZINISI uMnuz Sandile Zungu, weZungu Investments, usephonsele inselelo abantu bakuleli yokuba bafunde izincwadi ukuze bathuthukise ulwazi bakhule ngokomqondo.
UZungu ubekhuluma ngemuva kokuba inkampani yakhe isingabaphathi abasha benkampani eshicilela izincwadi iShuter and Shooter. “Kubalulekile ukuba abantu bakukhuthalele ukufunda ukuze bakhule ngokomqondo hhayi umuntu aguge kuphela. Ucwaningo luveze ukuthi abantu abafundayo abagugi kalula. Lokho kuyingxenye yokuziphatha kahle. Ngakho ngiyabanxusa abantu bakithi ukuba bafunde,” kusho uZungu.
UZungu uthe uqale ukuthenga amasheya kwaShuter and Shooter Publishers kusukela ngo-2008 emndenini wakwaCraib.
IZungu Investments yayithole amasheya awu-36.2 % kwaShuter. “Sengingasho manje ukuthi le nkampani seyiphethwe ngabantu abamnyama yonke yize u-5% usaphethwe yimindeni ehlukene. Ngiyaziqhenya kakhulu ngoba naleyo mindeni eyezingqalabutho zababhali bezincwadi okukhona kuwo nowakwaNyembezi.”
Uthe inhlosongqangi wukuthatha le nkampani ayenze idlondlobale kulokhu ebiyikho eminyakeni eyedlule.
“Ngifuna ingene shi ekukhiqizeni izincwadi ezizosiza ekukhanyiseleni umqondo womuntu ikakhulukazi abantu abamnyama.”
Uthe inkampani yabo seyigxile kakhulu ezincwadini ezifundwa ezikoleni hhayi izincwadi ezijwayelekile. Eqhuba uZungu uthe njengoba uhulumeni egqugquzela ukuba abantu babe namabhizinisi ukuze bafukule umnotho wakuleli, umphakathi ungalekelela ngokuthenga izincwadi.
“Sizokwakha ubudlelwano obuqinile nababhali ngoba siyazuza ngabo kanti nabo bayazuza ngathi,” kuphetha uZungu onoxhaxha lwamabhizinisi okubalwa kuwo neThe Zunguness Wedding and Spa Resort eseHowick
All assessors are registered with the Transport Education Training Authority.
With a strong team of management and experienced facilitators, coupled with both a theoretical and applied training framework, SA Maritime School provides an environment conducive to a holistic education. • Durban: 6 Timeball Boulevard, Signal Road, Durban - 031 337 7889 • Johannesburg: 6th Floor, 20 de Korte Street, Braamfontein – 011 403 1882 • Cape Town: 31 Victoria Road, Woodstock - 021 447 4445 • dbnenquiries@samaritime.co.za, jhbenquiries@samaritime.co.za, ctnenquiries@samaritime.co.za
For further information, visit the website at www.samaritime.co.za