Phansi amaphaphu ngezeMzansi Magic
IGCOKAMA NOMKHANKASO WOKUGCWALISA I-ELLIS PARK
Mayibongwe Dhlomo EMakhabeleni EMhlabathini: Kusho ukuthi uncintisana noKhuzani ngempela uMthandeni. UKhuzani uvele wathi ufuna ukugcwalisa IMoses Mabhida Stadium naye usethi uzogcwalisa i-Ellis park.
Gez’ihambi Sakhy: Cha ngeke alunge lapho. UKhuba kuphela ongaphumelela ukwenza lokho ngoba kade asho.
Xolani MzukulukaManyosi Shandu: Uyadlala uMthandeni ngeke bayigcwalise ngisho bengahlangana bonke omaskandi, phela i-Ellis Park akuyona iCurries Fountain.
UBONA UKOMPHELA LIMUFANELE ELINYE IHLANDLA
Sibonakaliso Mngoma: Cha cha cha asifune mahlandla la. Kanti kuyavotwa yini?
Sanele Mbongeni Makhathini: Ngaphandle nje kokudlala kumfanele ukuthi aphinde anikwe elinye ihlandla bese bemtholela umsizi wakhe omusha. KUNABAFUNA U-ZUMA AKHANKASELE I-ANC
Lucky Emmanuel Rhwayiza: Mina ngibona kungaba ukumehlisa isithunzi nje ukumbeka njengosihlalo wesifundazwe.
Ngicabanga ukuthi igalelo lakhe lidingeka kakhulu kwizingwevu ze-ANC ngoba vele kulapho eselungele ukuba khona njengoba esebuya kwesokwengamela inhlangano nezwe. NGEKE lube khona ushintsho ezinhlelweni ezikhonjiswa kuMzansi Magic ngemuva kokuthi kuqale izikhangiso eziveza ukuthi izinhlelo okukhona kuzo Uthando Nesithembu, Yim’ Lo, Uyangithanda Na nomdlalo Ikhaya sezizokhonjiswa ku-1Magic.
Kube nokudideka kwabaningi ngesikhathi kuqala izikhangiso zalezi zinhlelo obekuvezwa ukuthi sezizobonakala kulesi siteshi esiqale ekupheleni kukaJanuwari kuDStv (channel 103).
Enkundleni yokuxhumana uTwitter abantu bebebuzana ukuthi kungenzeka yini ukuthi uMzansi Magic usuphuciwe lezi zinhlelo zafakwa ku-1Magic.
UNondumi Mabece, okhulumela uMzansi Magic, uthe abantu abehlise amaphaphu ngoba akukho zinguquko ezizokwenzeka.
“Izinhlelo zizobonakala ngendlela ejwayelekile kuMzansi Magic. Okushintshile wukuthi lezi zinhlelo zizohamba phambili ku-1Magic. Njalo ngoMgqibelo kuzobonakala iziqephu ezintsha ezizobe zingakadlali kuMzansi Magic,” kuchaza uNondumiso.
Uthe lezi zinhlelo zizoqala ngo-7.30 ebusuku zize ziphele ngo-9.00 ebusuku.