Samukelwe isabelomali
SAMUKELWE noma kungekho okusha isabelomali sikaR1.67 trillion esethulwe nguNgqongqoshe wezeziMali, uMnuz Malusi Gigaba ePhalamende eKapa, izolo. UGigaba, ethula lesi sabelomali ubelokhu egcizelela ukuthi usithula ngesikhathi esinzima kodwa sinikeza ithemba. Uzwakalise ukukhathazeka ngokunyuka kwemali ekweletwa yizwe. Izwe lizokhokha uR180.1 billion wezikweletu. Uthe eminyakeni emithathu ezayo isikweletu sizofinyelela kuR2.5 trillion. Abahlaziyi bezomnotho bathe akukho okumangalisayo ngalesi sabelo. USolwazi Bonke Dumisa uthe akukho okumangalisayo ngesabelo sikaGigaba ngaphandle kokuthi uhlwaye imali yemfundo yamahhala enguR57 billion kodwa okunye akhulume ngakho bekulindelekile. UMnuz Tertius Troost oyisazi sentela enkampanini iMazars, uthe akukho okusha okushiwo wuGigaba ngoba vele kufanele anyuse intela ekhokhwa ngabasebenzi, ekagwayi, ekaphethroli neyempahla iVAT. Uthe lezi zintela zizongenisa imali ecela kuR36 billion ezosiza ukuphesha u-R50.8 billion oshodayo esikhwameni sezwe. UNksz Melanie Veness, oyisikhulu esiphezulu sePietermaritzburg Chamber of Business (PCB) uthe umthwalo uwubeke kubakhokhi bentela njengoba kunyuswe intela, ukuzama ukungenisa imali esikhwameni sezwe. Uthe okuhle wukuthi izobuyisela isimo kwesijwayelekile ezinkampanini zikahulumeni ezihlale zidinga ukutakulwa. “Ukunyuswa kweVAT kubuhlungu kosomabhizinisi nakubantu bonke kanti nokunyuswa kwentela kaphethroli kuzonyusa imali yokugibela kubantu ngoba osomatekisi bazodlulisela izindleko kubagibeli. Kukho konke lokhu sijabulela ukuthi kunesikhwama esizofukula osomabhizinisi abancane,” kusho uNksz Veness. UMengameli weDurban Chamber of Commerce and Industry, uMnuz Musa Makhunga, uthe isabelomali sibuyisa ithemba njengoba sizolwa nenkohlakalo nokuxhashazwa ngesikhathi. emisebenzi. kwemali ezinkampanini zikahulumeni. Uthe bayakujabulela nokuthi uhulumeni uzosebenzisana nezinkampani ezincane athenge kuzo, aqinisekise ukuthi zikhokhelwa UGigaba uthe isikweletu sikahulumeni siphezulu. “Izinto zithuthukile uma uqhathanisa nesabelo esasithula ngonyaka odlule. Sikwazile ukuqoqa imali engaphezulu kukaR2 billion kwintela,” kusho uGigaba. Uthe ukungasebenzi kwabantu kume ku-26.7% kunesikhwama esizoxhaswa ngoR18.8 billion ukusiza osozimboni ukwakha amathuba Uveze nokuthi uhulumeni usebenzisana nezinhlangano zezimali ukwakha isikhwama esizosiza osomabhizinisi abamnyama ukuthola imisebenzi emikhulu. Lesi