Basazocekela phansi iqembu futhi ababuyayo
Abaholi abathile beNFP MHLELI: baqinisa umkhankaso wabo wokuba ingangeni okhethweni luka-2019 lukazwelonke ngokubuyisa loyo owayengusihlalo nowayengunobhala abazisulela ngoJulayi 2016 bekholwa wukuthi sebewuqedile umsebenzi wokucekela phansi iNFP. Manje babuyiswa ngabangani nezingane zikamengameli egameni lokubuyisana noxolo.
Kuzokhumbuleka ukuthi uShelembe noNhlanhla Khubisa bathenjwa ngezinkulu izikhundla yiNFP. Yibo ababemele iNFP kwi-IEC futhi babekhona emhlanganweni we-IEC wangoMeyi 22, 2016. Lokhu kusho ukuthi yibo bobabili ababanolwazi losuku lokuvalwa ukukhetha amaqembu ayezobamba iqhaza okhethethweni lango-Agasti 3, 2016. Yibo futhi ababazi ukuthi kuyavalwa ukukhokha kodwa abangakhokha ngabomu.
NgoJulayi 2, 2016 besula ngokuzikhethela bona ngoba bekholwa wukuthi sebewuqedile umsebenzi abawuphathiswa yizimbangi zethu. Sakwemukela ukusula kwabo sazama ukuhlenga iqembu egameni lokuthi abantu bayalidinga.
Uma sesiya enkantolo sizama ukuthi sivunyelwe ukuthi sivote ngashaqeka ukuthola ngommeli we-IEC ukuthi babekade bekhunjwuzwe yi-IEC amahlandla angaphezulu kuka-13 kodwa bangaphendula, okubonisa ngokusobala uthi laba bantu vele babesiqeda siyiNFP
SisebaQulusini ngoJuni 18, 2016 lowo oyayengusihlalo esazi vele ukuthi abakhokhanga ngoba kwakukade kuvalwe ngoJuni 3 wasibhuqa elokhu ethi abantu abangaka kanti uqonde ukuthi abantu abangaka abangeke bavote
Namuhla ngoba bayabona ukuthi iNFP ayifanga sebebuyela ukuzoyivimba okhethweni luka2019.
I-NFP yahlambalazeka ngenxa yabo, yaphinde yalahlekelwa yimali eyayitholakala yamakhansela ayengu-227. Kwalahleka imali ewuR720 000 ngenyanga, R8.4 million ngonyaka noR43.8 million ngeminyaka emhlanu.
Ngizwelana kakhulu nalabo ababengamakhansela nalabo ababezoba ngamakhansela ngokulahlekelwa yisithunzi sabo emphakathini nemali yemindeni yabo ngesizathu sabantu abathengisa ngeqembu.
Ngicela sibumbane, singavumi ukuphinda singayi okhethweni ngohlelo lokubuyisana lokusebenzisa umengameli weNFP
Awukho umthethosisekelo ovuma ukuthi umengameli wenhlangano uyohlala yedwa athathe izinqumo ezinkulu neziyophula umoya wabantu abamsekelayo nabaseka iqembu aliholayo. Mina angiyivumi le nto ngoba ihlakaza iqembu. I.B Gumbi IPHINI LIKASIHLALO WE-NFP MHLELI: Ngivumele ngizwakalise umbono wami ngodaba lokukhetha ubuholi obusha beSafa.
ISafa yethu izokumangaza nje ngoba ichitha uMnuz Tokyo Sexwale ekungeneleleni ukhetho. I-Safa idlala ngathi, ikutshela ngemithetho yokuthi kumele ube sezinhlakeni zeSafa. Umbuzo wami uthi baliphakamisa kanjani igama likaSexwale ukuthi angenele ukhetho lweFifa ngenkathi kuphuma uJoseph Sepp Blatter?
Le Safa ayifuni kuphume ubaba uDanny Jordaan esikhundleni. Kubonakala nje naye engafuni ukuphuma ngoba akayifuni inselelo. UJordaan ukube kuya ngami ngabe usephumile nje ngoba ibhola lethu aliyi phambili kunalokho lishona emumva. Kumanje asinaqembu lesizwe nje elisile ebholeni lezinyawo kodwa ukhona akawenzi umsebenzi wakhe. Into abayaziyo nje wukushintshashintsha abaqeqeshi njengamasokisi.
Uma kusekhona nje uDanny Jordaan kuyacaca ukuthi ibhola lethu ngeke laya phambili. Nandosi Sangweni INXUSA LIKASOMNANDI