Siyabadinga onesi abanempatho enhle njengomfo kaMbili
Sandile “TheGeneral” Mdluli EMKHAMBATHINI MHLELI: Ngiyisiguli esesineminyaka siphethwe yisifo sofuba esesize satheleleka nakumntanami. Bengiya kojova zonke izinsuku esibhedlela eClairwood. Bengivamise ukufica unesi wesilisa uMnuz Mbili osebenza emjovweni. Indlela ayesebenza ngayo ngagcina sengimthatha njengengane yami. Isipiliyoni, ukuhlakanipha nokukhuthala bekuyinto yakhe.
Wayethi uma enza umsebenzi wakhe ebe ekuncokolisa ezihlekela. Wawungeke ufice kukhona ulayini omude lapho kusebenza khona uMbili. Naku okubuhlungu, ngithe sengilethe indodakazi yami nayo eyayiyojova ngenxa yalesi sifo ngazitshela ukuthi ngisazofica uMbili kodwa lutho kuthiwa wahamba akwaziwa ukuthi washonaphi.
Ngifisa sengathi bonke onesi kungathiwa bafana noMbili. Uma ugula sengathi ungathola izandla ezinakekela ngaloluya hlobo. Ntombizethu Sosibo EWEMA