ISILOMO SE-MARITZBURG SISOLE I-EAGLES NGOKUZITHWALA

ISIPHEKEPHEKE seMaritzburg United esisethubeni lokuba wumdlali wonyaka, uSiphesihle “Mbesuma” Ndlovu, siveze ukungahoshelani okukhona phakathi kweTeam of Choice neRoyal Eagles edlala kwiNational First Division (NFD).

NgokukaNdlovu ophinde waqokwa njengovelele koweNedbank Cup Last 16, ngesikhathi la maqembu abanga iHarry Gwala Stadium, edlala KwaMashu, i-Eagles abakwazi ngisho ukudlala nayo eyobungani, yize besondelene, ngoba inokuzithwala.

“Size lapha sazi kahle ukuthi sizolwa. Nangempela umdlalo ubuyimpi ngaphezulu kokuthi kukhulume ibhola. Ngeneme ukuthi sinqobile sacacisa ukuthi obani iqembu laseMphithi ngempela,” usho kanje.

Ebuzwa ukuthi kungani ekhuluma kanjena ngomakhelwane bakhe lo mdlali uyilandile indaba.

“Angikholwa ukuthi singomakhelwane ngoba asizwani ngisho amandla nabo. Kungenzeka ukuthi yilokhu kuzithwala kwabo kodwa akubona abantu esisondelene nabo,” usho kanje uPotshoza esecijise izindlebe ePrincess Magogo Stadium.

Nomqeqeshi weMaritzburg, uFadlu Davids ukuvezile lokhu ngesikhathi etshela abezindaba ukuthi yize iqembu lakhe libunjwe ngabafana abancane kunabeEagles ngokweminyaka kodwa umphumela weNedbank ucacise abafana emadodeni.

“Kumele uzibuze ukuthi kungani amaqembu amabili asebenzisa iHarry Gwala kodwa adlalele KwaMashu. Konke lokhu kuyizinkomba zokuthi ziningi izinkinga ezikhona. Ngokwami lesi sinqumo (sokuyisa umdlalo KwaMashu) sikucacise kwasobala ukuthi kukhona abathi bangabaseMphithi kodwa akunjalo,”kusho uNdlovu.

Iqhawe lakho selingakusho ukuthi i-Eagles ithe iqome iMagogo ngoba bekuzoshibha ngoR3 000 ukwenza lokho. bayozihlalela esixukwini ngoba onogada abami lapho kufanele bame khona.

UPotshoza unakile ukuthi lapho bekubiywe khona ngocingo sekufakwe i-concrete fence. Nokho kubukeka kungazange usize ngalutho lokhu ngoba abantu sebevele bame phezu kodonga oluhamba luxhume i-concrete esanda kufakwa.

Umbuzo kaPotshoza uthi kungani kungafakwa izinto ezihlabayo phezu kodonga ukuze abantubangakwazi ukuma phezu kwalo? Onogada bona yini ebavimbayo ukuthi basondele eduze kwalapho kweqa khona abalandeli? Amaphoyisa asuke ezibukela ibhola esikhundleni sokulwa nale nkinga yabantu abangena enkundleni mahhala. Stadium ngeSonto ngo-3.30 ntambama. Okwenze lo mdlalo sawuyisa eMlaza yingoba sisekwa kakhulu ngabafundi nabasebenzi baseMangosuthu University of Technology. Amathikithi abiza u-R20 kanti siwadayisa ngoR30 ngosuku lomdlalo,” kusho uDlamini. I-Kings iyibambe endaweni yesibili kwi-log yeNFD.