Siyakhula isibalo sentsha engasebenzi
kusungulwa u-620 000 wamabhizinisi amancane njalo ngonyaka. Asazi eNingizimu Afrika ukuthi isibalo samabhizinisi amasha asungulwa ngonyaka sithini,” kusho uDkt Taylor.
Ubekhuluma engqungqutheleni yezomnotho ebihlelwe wuMnyango wezokuThuthukiswa koMnotho, ezokuVakasha neMvelo KwaZulu-Natal ebiseThekwini, ngoLwesibili.
Uthe kufanele intsha igqugquzelwe ukuthi isungule amabhizinisi ngoba iBrazil ihamba yodwa ngokusungulwa kwamabhizinisi amasha, ilandelwe yiChile, Malaysia, Colombia, Russia, kugcine iNingizimu Afrika.
Uthe eMalaysia yize uhulumeni enemali yokuxhasa osomabhizinisi abancane futhi nengqalasizinda ikhona kodwa abantu abawaqali amabhizinisi njengakwamanye amazwe. “Kudingeka intsha ifundiswe ngokuba semqoka kokuzisungulela amabhizinisi ayo. Kubi ukuthi iBrazil enomnotho olingana nowethu isungula amabhizinisi amaningi thina sibe nentsha ehleli emakhaya,” kusho uDkt Taylor.
UNgqongqoshe wezokuThuthukiswa koMnotho ezokuVakasha neMvelo KwaZuluNatal, uMnuz Sihle Zikalala, uthe banezinhlelo eziningi zokuthuthukisa umnotho. Ubale kuzo ezokufukulwa kwabalimi bakamoba, abancane.
Uthe ngaphansi kohlelo olubizwa ngeSakhinzuzo, abalimi abancane batshala umoba kumahectare angu-3 000 omhlaba eDarnall, eMatikulu, Felixton naseMaidstone oThongathi.
Lolu hlelo luqale ngo-2017 kuzoze kube ngu-2020 lusebenza. Uthe kulo nyaka bangu-111 abalimi bakamoba abakulolu hlelo, kukhona amabhizinisi omfelandawonye angu-64, sekutshalwe umoba kumahectare angu-626 nonyaka.