Kuzoqina umthetho kwabafundela ubuthisha
OKUHLABAHLOSILE okuqukethwe yiphephandaba lakho eliphuma kusasa Isolezwe ngoMgqibelo ELAWINI LIKAMAGUMEDE
Uhlaleleni ebudlelwaneni bothando olusegumbini labagulela ukufa...thola kabanzi ngalesi sihlko nokuthi olunjani uthando okuthiwa oluse-ICU
Ungaphuthelwa nangamathiphu namasu azokusiza kwezothando nezocansi. EZOKUNGCEBELEKA Owayengumsakazi waliwa wumlingisi usenesoka elisha Intokazi eyaduma ngengoma noDJ, ithi umculo uyehlule yancama INDLELA YOKUPHILA Ingozi yokuze uye ocansini nendoda ongayazi imvelaphi yayo Okunye okumele ukwazi uma uhlukana noyise wengane/wezingane EZEMIDLALO
Zithole zishisa ezokuqhathwa kwamaqembu kwiNedbank Cup.
U-Itumeleng Khune umbona enekusasa uBrilliant Khuzwayo.
Silubheka ngeso elibanzi udaba oluthinta ukhetho lweSafa
KUZOQINISWA umthetho kwabafundela ubuthisha asebezolandelwa kusukela onyakeni wokuqala besemanyuvesi, ukubuyisa isithunzi emsebenzini wabo.
Lokhu kuvezwe yisikhulu somkhandlu ogunyaza ukusebenza kothisha, iSouth African Council of Educators (Sace), uNksz Ella Mokgalane ekhuluma engqungqutheleni yothishanhloko abangamalungu enyunyana yeNatu izolo. Umkhandlu ubone ukuthi akwanele okwenzayo ukuqinisa umthetho ebuthisheni.
“Okwamanje othisha sibanikeza isitifiketi esibagunyaza ukuthi baqashwe uma sebephothule izifundo. Sekuzoshintsha lokho ngoba sekumele babhalise emkhandlwini besenza unyaka wokuqala emanyuvesi. Lokhu kuzosisiza ukuthi sibalandele baze benze unyaka wokugcina. Sizokwazi ukubona ukuthi bangaki abashiya phakathi nokuthi bashiyelani. Konke lokhu kuzosiza ekubuyiseni isithunzi kwezemfundo ngoba sekuqashwa abantu abengenalo ugqozi lokufundisa, yingakho sinezinkinga ezingaka.”
Uthe bazosebenzisana noMnyango weMfundo ephakeme nezikhungo zemfundo ephakeme ohlelweni oluzoqala maduze. Ngaphandle kokulandela abafundela ubuthisha, umkhandlu uzophinde uzinike isikhathi esingangonyaka ukuphinde uhlole othisha asebephothule izifundo ngaphambi kokubagunyaza ukuthi basebenze. Kuzobhekwa nendlela abaqeqeshwa ngayo ezikhungweni ukuthi isezingeni elifanele yini.
“Kumanje kunempikiswano enkulu kwezemfundo ngendlela othisha abaqeqeshwa ngayo.
“Kunesikhalo ngabanezitifiketi zePGCE ezivumela abantu abanama-diploma kunoma yimuphi umkhakha ukuthi bafundele ubuthisha unyaka owodwa bese beyaqashwa. Konke lokhu siyakucubungula ukuze sibone ukuthi akayilimazi yini imfundo,” kusho uNksz Mokgalane.
Uphawule nangesibalo esiphezulu samacala othisha abasolwa ngokunukubeza izingane kuzwelonke. Yize ethe akanazo izibalo eziqondile, uthe kusukela ngoJanuwari bathi ababe wu-20 abamiselwe amacala. Uthe okwandisa amacala wukuthi kunothisha abafundisa izingane sekuphume isikole bese bethola ithuba lokuzinukubeza.
“Umsebenzi wethu akukona ukuxosha othisha kodwa siyabaphenya ukubheka amacala ababhekene nawo. Sizinika isikhathi siphenya ngaphambi kokuthi uthisha simesule emabhukwini ethu bese kuba wuMnyango wezeMfundo omxoshayo. Amanye amacala sithole ukuthi kusuke kuhlangene abazali bethengwe othisha ukuqambela uthisha amanga, bungekho ubufakazi becala.”
Uthe akusebona othisha kuphela abahlukumeza izingane, nazo seziyabashaya.
Ulinganise ngevidiyo esabalele ezinkundleni zokuxhumana ebonisa umfundi eshaya uthisha ngezincwadi.
Phakathi kwezinye izikhalo ezivezwe othishanloko izolo kubalwa udaba lokungeneliseki ngendlela okumakelwa ngayo umatric. Bakhale ngokuthi kumakiswa othisha abafundisa emazingeni aphansi.