Kuteleke abasebenzi basemakhazeni
kuya ku-2010. Lesi sivumelwano sihlanganisa nokukhushulelwa emazingeni aphakeme kwabasebenzi abebenza imisebenzi abangayiholeli. Kulaba basebenzi kubalwa abebeku-level 5 no-6 obekufanele bakhushulelwe ku-level 7. Laba abasebenzi abaqashwa bengabashayeli bagcina sebenza imisebenzi yokulanda izidumbu nokunye.
Umsebenzi ongagunyaziwe ukukhuluma nezintatheli uthe bekufanele ingene izolo imali abayikweletwayo nathe kwavunyelwana ukuthi izokhokhwa ngaphambi kokuthi uMnyango wezeMpilo kuzwelonke ukhiphe incwadi yokuthi kumise uhlelo lokukhokhwa kwayo. Isivumelwano sasithi uhlelo lokufezwa kwezivumelwano zomnyango nabasebenzi kufanele luqale kule nyanga.
Okhulumela inyunyana yabasebenzi, iPublic And Allied Workers Union (Pawusa) KwaZuluNatal, uMnuz Halalisani Gumede uthe abasebenzi balinde umnyango ukuthi ubacacisele ngokuthi uzobakhokhela nini.
“Asikholwa ukuthi uMnyango wezeMpilo eKZN awunawo amandla okucacisela owezempilo kuzwelonke ukuthi kubaluleke kangakanani ukuthi abasebenzi bakhokhelwe le mali,” kusho uGumede.
Uthe amakhaza athintekile ngokungasebenzi kwabasebenzi, awakuGale Street (Magwaza Maphalala Street), Pinetown, Park Rynie, Phoenix naseMgungundlovu namaphethelo.
UMnyango wezeMpilo eKZN, bewungakaphawuli ngesiteleka sabasebenzi.
Ugcina ukuphawula ngenkinga yokumiswa kohlelo lokukhokhelwa kwabasebenzi uMnyango wezeMpilo KwaZulu-Natal uziqhathulile wathi ngeke ukwazi ukudingida izindaba zabasebenzi nabezindaba.
Ephawula ngesinqumo sokumisa uhlelo lokukhokhelwa kwabasebenzi, uMnuz Popo Maja, okhulumela uMnyango wezeMpilo kuzwelonke, usanda kuveza ukuthi umnyango wezeMpilo kuzwelonke ubona wona neNingizimu Afrika yonkana bengekho esimweni sezimali esihle sokumelana nokukhokhela abantu kusuka esikhathini esikude kangaka.