IPorsche iphinde yaphuma phambili
WE HAVE A LARGE VARIETY OF ENGINES AND GEARBOXES TO CHOOSE FROM
IPHUME phambili okwesesine emncintiswaneni i-2018 WesBank South African Car of the Year (COTY) iPorsche ngemuva kokuqokwa kwePanamera (esesithombeni) emcimbini obuseGoli ngoLwesibili ebusuku.
IPorsche ithathe isicoco ngemuva kwezinye ezintathu zilandelana eyazithola ngePorsche Boxster (2013), Porsche Cayman S (2014) nePorsche Macan Diesel S (2015).
Ibincintisana ne-Alfa Romeo Giulia, Audi Q5, BMW 5 Series, Kia Picanto, Land Rover Discovery, Peugeot 3008, Porsche Panamera, Suzuki Ignis, Toyota C-HR neVolvo S90
Endaweni yesithathu kuphume i-Alfa Romeo Giulia kwathi endaweni yesibili kwaba yiVolvo S90.
Ngasekupheleni konyaka odlule amajaji awu-26 ayizintatheli zezimoto ezingamalungu eSouth African Guild of Motoring Journalists (the Guild) avotela izimoto aphuma neziwu-10 eziphambili.
Ekupheleni kukaJuni achithe izinsuku ezimbili evivinya kanzulu izimoto eziwu-10 ebeziphambili.
Azivivinye enkundleni yezimoto zomjaho iKyalami naseVelmore Hotel & Spa ukuzwa ukuthi zihamba kanjani emgwaqweni ovulekile.
Uhla lwazo zonke izimoto esezake zanqoba kusukela 1986 Toyota Corolla Twin Cam 1987 Mercedes-Benz 260E 1988 BMW 735i 1989 Toyota Corolla GLi Executive 1990 BMW 525i 1991 Opel Monza 160 GSi 1992 Nissan Maxima 300 SE 1993 BMW 316i 1994 Opel Kadett 140 1995 Opel Astra 160iS 1996 Audi A4 1.8 1997 BMW 528i 1998 Ford Fiesta Fun 1999 Alfa Romeo 156 T-Spark 2000 Renault Clio 1.4 RT 2001 BMW 320d 2002 Audi A4 1.9 TDI 2003 Volkswagen Polo TDI 2004 Renault Mégane 1.9 dCi 2005 Volvo S40 2.4i 2006 Audi A3 Sportback 2.0T 2007 Honda Civic 1.8 VXi Sedan 2008 Mazda2 1.5 Individual 2009 Honda Accord 2.4 Executive 2010 Volkswagen Golf 6 1.4 TSI 2011 BMW 530d and Volkswagen Polo 1.6 TDI 2012 Hyundai Elantra 1.8 GLS Executive 2013 Porsche Boxster 2014 Porsche Cayman S 2015 Porsche Macan Diesel S 2016 Volvo XC90 2017 Opel Astra 2018 Porshe Panamera.