Kuboshelwe kweyePhasika
AMAHOLIDI ePhasika kwabanye kusuke kuyisikhathi sokwenza imicimbi. Kusukela namhlanje kuze kube wuMsombuluko imcimbi izobe ithe chithi saka isifundazwe sonke.
Namhlanje ngo-6 ntambama, iPurple Apple Events ihlele umcimbi wamahlaya eMandeni okuzonandisa kuwo uFelix Hlophe. Umcimbi uzoba seSibusisiwe Hall, eSundumbili.
ULondiwe Mfeka ongomunye wabahleli, uthe kuzonandisa noNzuzo Cele noNdlebe The Outlaw.
Amathikithi abiza uR100 kuthi iVIP ibe ngu150 eComputicket.
Kusasa iGagasi FM lizobe liseThe Zone Lounge lapho lizobe khona linomcimbi iMidday Shandis Nton Nton.
Kuzobe kukhona ithimba lohlelo lwasemini iMidday Shandis, uDJ Le Soul, Felix Hlophe, Flair noFlymotion, no Sonic, Ndloh Jnr, nabanye.
Kungenwa ngoR50 kanti umcimbi uqala ngo-8 ebusuku.
Umhleli wemicimbi yobumnandi oLundi uCharles Zulu wenkampani i-Iyoke Entertainment, uthe kuzobe kufiwa oLundi impelasonto yonke kusukela kusasa.
“NgoLwesihlanu sizoba neHome Coming ePhumuzinyawo Lodge eB-North kusukela ngo-3 ntambama. Simeme uDJ Vumar weGagasi FM, Maroni, Priest weZululand FM nabanye. NgoMgqibelo ekuseni sizovukela oLundi Stadium lapho kuzodlala khona Olova abadume ngengqephu neqembu lenkampani yami,” kusho uCharles.
Uthe ngoMgqibelo ebusuku kuzobe kukhona i-Easter Intimacy eGarden Court kusukela ngabo-3 ntambama.
Kuzodlala uDJ Terance, Hatsoul, Mzwaa, Pzet, okunguye umhleli nabanye.
NgeSonto kune-All White Picnic oLundi Stadium kusukela ngo-12 emini. Kuzobe kushiyelana inkundla uDJ Merlon, Mondli Ngcobo, Andy X, Wonder nabanye.
NgoMgqibelo kunomcimbi i-OMG Easter Fest e-OMG Lifestyle, eGreytown. Kuzobe kunandisa uMjikijelwa, Sbo Fokol woKhozi FM, Episisode, Mantolwana Comedy nabanye. Kungenwa ngoR50.
EPlazini Carwash & Shisanyama eMzinto kune-All White Easter Picnic kusukela ngo-2 ntambama. Kuzobe kudlala uDJ Happy Gal nabanye, amathikithi aqala kuR100 eComputicket.
NgeSonto umcimbi omkhulu iDurban Day Picnic uzobe usePeople’s Park eThekwini. Kuboshelwe uCassper Nyovest, Black Motion, Lady Zamar, DJ Tira, Zola, Lvovo, Cndo, nabanye abaningi. Amathikithi aseComputicket ngoR200 kuthi iVIP ibe nguR500.
NgeSonto kuzodunyiswa kuVukile Gospel Festival oGu Sports and Leisure, ePort Shepstone. Amathikithi atholakala eComputicket ngoR200 kuthi iVIP ibe nguR500.
Kuzobe kucula bukhoma uThobekile, Jumbo, Babo, Khuzani, Dumi Mkokstad, Hlengiwe Mhlaba nabanye.
ERichards Bay khona kuneKufeziwe Gospel Festival okuzonandisa kuwo uNobathembu, Nhlakanipho Cele, Nathi noNkanyiso, Thabile Myeni, Sipho Ngwenya nabanye abaningi.
Amathikithi atholakala eTicketpro, Jet, CNA, Edgars naseSpar.
Isolezwe liphisana ngamathikithi eDurban Picnic. Ukuzibeka ethubeni lokuwina thumela igama elithi-Isopicnic ku33258. Abawinile bazothintwa ngocingo. Isms ibiza uR1.50.