Amasu kubashayeli uma besengozini
IZINKULUNGWANE zabantu kuleli ziba sezingozini zezimoto minyaka yonke. Muva nje uMiss South Africa, u-Ade van Heerden ube sengozini ehamba ngeNissan X-Trail yakhe entsha eGoli.
Ngenhlanhla akalimalanga kakhulu kodwa wathola imihuzukwana.
Imoto ayehamba ngayo inobuchwepheshe iNissan Intelligent Mobility (NIM) obenzelwe ukuthi buvikele abagibeli.
“IX-Trail yiSUV ephephile. Nakuba kuqhume ama-airbags, ngithole imihuzuko emincane. Ngiyajabula ngokuthi ingozi ayibanga yimbi,” kusho uVan Heerden.
Ubuchwepheshe beNIM buhlanganisa iBlind Spot Warning etshela umshayeli uma kukhona imoto kwi- blind spot, Lane Departure Warning eyazisa umshayeli uma ephuma emzileni neForward Collision Warning ebikela umshayeli uma kungase kube nengozi ngaphambi kwemoto yakhe.
INissan ikhiphe nanka amathiphu angasiza umshayeli uma esengozini:
- Uma ube sengozini encane, gudluza izimoto esiminyaminyeni nime endaweni ephephile
- Uma kunabantu abalimele noma kulimale impahla, umthetho uthi kumele ume uyosiza
- Uma ungakwazi ukugudluza imoto, shaya ama-hazard bese ubexa nonxantathu ngemuva kwemoto
- Uma ulimele noma kukhona omunye olimele, biza i-ambulance
- Ngisho ngabe ingozi incane, fonela amaphoyisa
- Thola imininingwane yomunye umshayeli efana namagama, inombolo kamazisi, imininingwane yokuxhumana ne number plate yemoto.
- Thatha izithombe zezimoto nendawo yesameko yengozi kuwo wonke amacala uma kuphephile ukwenza lokho - Yehlisa umoya ngaso sonke isikhathi - Ungavumi ukuthi usephutheni lengozi - Uma amaphoyisa engafiki endaweni yengozi, qinisekisa ukuthi uyabika esiteshini sawo engakapheli amahora angu-24. Uma ulimele futhi ungakwazi ukwazi ukuya esiteshini samaphoyisa ngaphambi kwamahora angu-24, bika ngokushesha uchaze ukuthi kungani ube nokubambezeleka
- Uma imoto yakho ilimele futhi ungakwazi ukuyishayela, thinta umshwalense wakho ubuze ukuthi ingabe kukhona inkampani ethwala izimoto abangathi yisebenzise
- Uma umshwalense wakho ungenayo inkampani oyincamelayo yokuthutha izimoto, qinisekisa ukuthi uthola usizo lwenkampani eyingxenye yeSATRA (South African Towing and Recovery Association) noma i-UTASA (United Towing Association of South Africa). Thatha imininingwane yabo, khipha izinto zakho ezibalulekile emotweni bese wenza isiqiniseko sokuthi uyaliqonda inani lokuthuthelwa imoto nelalapho izogcinwa khona.