Amathiphu okuphepha emgwaqweni kuleli Phasika
WE HAVE A LARGE VARIETY OF ENGINES AND GEARBOXES TO CHOOSE FROM KULINDELEKE ukuthi wande umthamo wezimoto emgwaqweni ngale mpelasonto kwazise yimpelasonto yePhasika.
Umphathi weMasterDrive u-Eugene Herbert ukhiphe amathiphu okumele abashayeli bawasebenzise ukuze baphephe emgwaqweni.
Uthe maningi amathuba okuthi imoto ingagcini kuphela ngokuba nabagibeli abaningi kodwa kuphinde kwande nomthwalo. Uthe kungenzeka nokuthi bagcine sebedonsa inqola.
Ngenxa yalokhu uthe amandla emoto azoncipha, kuzothatha isikhathi ukuma ngakho kubalulekile ukuthi abashayeli bashiye isikhala esithe xaxa phakathi kwemoto yabo nabayilandelayo, izingane ezihleli ngemuva azingaphazamisi futhi gwema ukuzisitha ngezimpahla nokuqaphela okwenzeka emaceleni futhi kusebenze ne-indicator.
UHerbert uthe yize kumnandi ukuhamba emgwaqweni okuthulekile kuwo kodwa nakhona kunezingqinamba. Nazi okumele abashayeli baziqaphele:
- Maningi amathuba okuthi uhlangane namaloli. Ungawafakeli ingcindezi yokuthi ashayele ngemuva komugqa ophuzi ngoba akuphephile.
- Ungacasulwa ukuhamba kancane kwezimoto bese ufuna ukuzidlula lokho kunobungozi
- Kumele ube mehlomane ezintweni ezinjengama-potholes, abahamba ngamabhayisikili, izilwane nabahamba ngezinyawo eduze nasemadolobheni
- Ungacasulwa wukuminyana kwezimoto nabanye abashayeli abanengcindezi bese uhluleka wukuzibamba.
Uqhube wathi uma isimo sezulu sisibi ungakwazi ukubona phambili, yima egaraji noma endaweni ephephile ulinde. Uthe yandisa isikhala esiphakathi kwakho nemoto ephambili. Uthe kumele ukhanyise amalambu futhi ungawushayi u-bright uma kunenkungu bese uphumula ngaso sonke isikhathi.
UHerbert uthe uma uhamba ezintabeni yilokhu okumele ukwenze:
- Phuza amanzi ukuze ungaguliswa ukuba sendaweni ephakeme.
- Phumula bese ubuka ubuhle bemvelo
- Qaphela ukuthi ukubuka izindawo akukuphazamisi
- Yandisa isikhala phakathi kwakho nemoto oyilandelayo
- Ukuncika kulayini ophakathi nendawo kungaba yingozi emakhoneni