AbakwaFord bazokwandisa umsebenzi ePort Elizabeth
ABAKWAFORD Motor Company of Southern Africa (FMCSA) bamemezele ukuthi bandisa umsebenzi wasembonini yabo iStruandale Engine Plant, ePort Elizabeth.
Lokhu kungenye indlela yayo yokutshala ezimbonini zayo ezimbili eyamenyezelwa ekupheleni konyaka odlule.
“Sijabule kakhulu ukuqinisekisa ukuthi ekutshaleni kwethu u-R3 billion okwamanyezelwa ngoNovemba 2017, sizokwenyusa ukukhiqiza kwethu embonini yaseStruandale Engine Plant ezinhlelweni zamanje zezinjini nezangomuso,” kusho umengameli wakwaFord Middle East nase-Afrika, uMnuz Jacques Brent.
Uthe lokhu kuhlanganisa ukufakwa kwemishini yokukhiqiza injini entsha kadizili ezothwala iFord Ranger Raptor uma isithulwa ngonyaka ozayo.
“Ngesikhathi esifanayo sithuthukisa umthamo wokukhiqiza injini iDuratorq TDCi esetshenziswa kwiFord Ranger ne-Everest.”
Indawo okukhiqizwa kuyo injini entsha iseStruandale Engine plant eshaya ngobuchwepheshe besimanje.
Imboni izokhiqiza izinjini eziwu-120 000 ngonyaka.
UBrent ubuye waveza ukuthi bazokwenza izinhlobo eziwu22 zezinjini zikadizili eziwufour-cylinder ezizothunyelwa e-Europe kuhlanganisa ezezimoto ezidonsa ngamasondo angaphambili.
“Lokhu kwethula amakhasimende amasha emboni iStruandale Engine Plant okuyiItaly, Turkey neRussia.”
Ekugcineni iStruandale Engine Plant izoba yikhaya lazo zonke izinjini eziyiDuratorq TDCI zeRanger, Everest neTransit.
UBrent uthe lokhu kubeka iNingizimu Afrika endaweni ebalulekile ngokwebhizinisi kwaFord futhi kukhombisa ukuzinikela kwabo