Sekuphele inyanga enyamalele
UDIDEKILE umndeni wowesifazane (22) waKwaSanti, eMariannhill, okuthiwa sekuphele inyanga enyamalele.
Umndeni kaNksz Mbali Peggy Ngwane osekuphele inyanga enyamalele emuva kokuthi ehambe ethi uya edolobheni usaphithene ngokunyamalala kwakhe.
Uninakhulu, uNkk Elizabeth Biyela (63), uthe indodakazi yakhe ihambe ngoMashi 16 ntambama. Kuthiwa yahamba igqoke ibhulukwe elimnyama neshethi eliwolintshi nejakhethi emaroon.
“Watshela ingane yakubo enye ukuthi uya edolobheni, sazitshela ukuthi uzobuya. Uthe uma engabuyi sazitshela ukuthi uye esokeni lakhe. Okusixakayo wukuthi akahambi isikhathi eside kangaka uma eya kulona. Uyaye ahambe impelasonto eyodwa ekupheleni kwenyanga,” kusho uNkk Biyela.
Uthe okunye okubakhathazayo wukuthi nesoka lakhe okuyilo abasuke bazi ukuthi uye kulona nalo lithi kalimazi.
Uma belishayela ucingo lomzukulu wakhe lungena kuvoicemail.
Uthe akasalali ebusuku ngoba ucabanga ngokuthi ngabe unjani umzukulu wakhe osekuphele isikhathi esingaka enyamalele.
Uthe njengoba enyamalele ushiye indodana yakhe eneminyaka emithathu angavamile ukuyishiya isikhathi eside.
Okhulumela amaphoyisa KwaZulu-Natal, uLt Col Thulani Zwane, uthe amaphoyisa anxusa umphakathi ukuthi usize ngokunyamalala kukaMbali.
UZwane uthe abanolwazi abathinte uWarrant officer JB Sthebe wesiteshi samaphoyisa saseMariannill ku- 073 190 1442 noma bathinte inombolo yokubika izigameko zobugebengu ku- 08600