IFord yethule iFocus entsha ethuthukisiwe futhi enkulu
I-FORD yethule emhlabeni jikelele iFocus entsha esithuthukisiwe emlandweni wale moto osekudayiswe ezingaphezulu kuka-16 million emhlabeni. Ngemuva kweminyaka engu-20 kwethulwa iFocus yesizukulwane sokuqala ngo-1998, eyakamuva inkulu futhi inenqwaba yobuchwepheshe obuhlanganisa ukuzipaka, active suspension namalambu akwazi ukufunda izimpawu zomgwaqo.
I-evasive steering assist kungokokuqala ukuthi itholakale kulesi sigaba sayo futhi isiza umshayei avike imoto emile noma ehamba kancane ukuze igweme ingozi. Iyingxenye yezokuphepha ezihlanganisa i-adaptive cruise control ne lane keeping assist.
Kubashayeli abangazwani ne parallel parking, ifika ne-Active Park Assist 2 eyenza ukuthi ingagcini ngokulawula isiteringi kodwa namagiya, amandla namabhreki ukuze izipake ngokuphelele ngokuciphiza ibhathini. Iyakwazi ukuzikhipha futhi lapho ipake khona. Ebusuku amalambu ayazidima futhi isebenzisa ikhamera ukuze amalambu azihlele wona emajikeni nezimpawu zomgwaqo.
IFocus yethula okokuqala kwaFord iHead-up display (HUD) ezotholakala e-Europe. Ngaphandle kobuchwepheshe, iFocus ivulekile futhi intofontofo futhi igabe ngengaphakathi eliseqophelweni eliphezulu
I-wheelbase ilulwe ngo-53mm lokhu okwenza isikhala samadolo ngemuva sibe ngcono ngo-50mm nokuthiwa kuhamba phambili esigabeni sayo. Isikhala emahlombe sikhule ngo60mm uma kuqhathaniswa neFocus endala.
Yethulwe ngezinhlobo ezinhlanu ezingamafive-door hatchback, wagon kanti kwezinye izindawo ngezitayela ezihlanganisa iTrend, Titanium, Focus ST-Line esporty Focus Vignale neyokuqala iFocus Active crossover.
IFord Sync 3 system yiyona eyengamele i infotainment nge voice command noma nge-20 inch colour touchscreen.
Akukaziwa okwamanje ukuthi yiziphi izinhlobo ezoza eNingizimu Afrika kodwa izinjini zaphesheya zihlanganisa ezingama three-cylinder zikaphethroli okuyi 1.0-litre EcoBoost nentsha i-1.5-litre EcoBoost futhi zombili zinobuchwepheshe bokuvala icylinder ukuze yonge uphethroli.
I-1.0 turbo inamandla angu-62 kW, 75 kW neno-92 kW kanti i-1.5 litre turbo yona ino-110 kW no-134 kW.
Kwi turbo diesel khona kukhona i-1.5 litre EcoBlue eno-70 kW no-88 kW ne-2.0 litre EcoBlue efuqa u-110 kW.
IFord ithe ukonga kwehle ngo-10% kuzo zonke izinhlobo.
Amandla athunyelwa emasondweni angaphambili ngogearbox oyi six-speed manual transmission noma i eight-speed automatic stransmission.
Umshayeli ungakwazi ukuyifaka kuNormal, Sport noma u-Eco ehlela amandla, isiteringi nendlela u-gearbox osebenza ngayo uma ihamba kanjalo ne suspension.
Akukaveli uktuhi iFord Focus entsha izotheleka nini eNingizimu Afrika.