Isu lezitobha ze-United ngeDowns
odabuka eWestern Cape, uthe angakujabulela ukuyogijima kowamanqamu phambi kwabangani nomndeni wakhe.
“Kungaba yinto ejabulisayo ukuba yingxenye yomdlalo wamanqamu edolobheni engizalwa kulona.
Kodwa ke ngisho ngabe bekuthiwa kudlalelwa e-Upington besifuna ukuyodlala khona. Okusemqoka wukuthi sifinyelele kowamanqamu.
Into enhle ngokudlala eKapa wukuthi umndeni nabangani bazobe bekhona okuyinto ekhuthazayo.”
Uzakwabo abayibamba naye emuva, uXulu akazange akufihle ukubaluleka komdlalo wabo neSundowns.
“Silindele umdlalo onzima njengoba kuyi-semi final. Sifuna ukuwina indebe, akuyona imfihlo leyo. Kodwa kuzomele sidlule kwiSundowns.
Sinemidlalo emibili nayo ngeke kube lula kodwa njengoba sidlalela ekhaya kumele siqinisekise ukuthi siyaya kowamanqamu,” kusho uXulu.
NgoLwesithathu la maqembu azotholana kowe-Absa Premiership khona eHarry Gwala.
Mayelana nokubhekana nabagadli beDowns, uXulu uthe: “Bayiqembu eliphambili, hhayi eNingizimu Afrika kuphela kodwa e-Afrika.
Kodwa nathi senza kahle. Siyawashaya amagoli futhi sivala kahle emuva. Ngeke ngithi ngeke singenelwe yigoli noma ngeke thina silishaye.
“Engikwaziyo wukuthi kuzoba yimizuzu engu-90 yomdlalo oshubile. Akukho esizokushintsha ngendlela esivala ngayo sizogxila kulokhu esikwaziyo.”