I-KZN ethubeni lomlando weTop 8
KUBANJWE umoya ngemiphumela yemidlalo yokusonga isizini ye-Absa Premiership ka-2017/2018 ngoMgqibelo kwazise isifundazwe iKwaZulu Natal sisethubeni lokuqopha umlando ngokuthi wonke amaqembu aso aqede ebalwa nayisishiyagalombili aphezulu.
Sekuyinto efana nesiko ukuthi uma sekuyiwa emaphathelweni esizini iKZN ihlalele emthandazweni kwazise isikhathi esiningi kuhlale kukhona ingcuphe yokulahlekelwa yiqembu.
Kulokhu zijikile izinto njengoba iMaritzburg United ihleli endaweni yesine kanti iLamontville Golden Arrows naMaZulu basendaweni yesikhombisa nakunombolo-11 ngokwahlukana.
I-Maritzburg esilinde nomdlalo wamanqamu weNedbank Cup ezowudlala neFree State Stars iqeda nabakhaya futhi okuyizimbangi zabo ezinkulu i-Arrows, eHarry Gwala Stadium, eMgungundlovu ngoMgqibelo.
ITeam of Choice ngeke isaphuma kwi-Top 8 kodwa i-Arrows kusengenzeka igcine ikhale ngaphandle uma ishayiwe eMphithi bese eminye imiphumela iyichithe. Abafana Bes’thende bahleli kunombolo-7 ngamaphuzu angu-37.
Bamiswe kabi yiChippa United, Bloemfontein Celtic neBidvest Wits bonke abanamaphuzu angu-36.
IChippa ivala nePolokwane City yona elwela ukuthi ingaqedi kunombolo-15 ngoba lokho kuzobe kusho ukuthi iya kweyokuhlunga. ICeltic ivala neMamelodi Sundowns.
Maningi amathuba okuthi iCeltic iqoqe amaphuzu agcwele kwiSundowns. Ngaphandle kokuthi ikujwayele ukukwenza lokhu kodwa iSundowns isigxile kakhulu kwiCAF Champions League ngakhoke uPitso Mosimane kungenzeka asithambise isikimu. Ompetha abaphumayo iWits bavala nePlatinum Stars esidliwe yizembe.
Usuthu yilona kuphela iqembu laseKZN elingaphandle kwe-Top 8 kodwa uma lunqoba bese nalo luvunwa yimiphumela lungaqeda isizini lubalwa nabazobanga isiscoco seMTN 8 esihamba nentshontsho lika-R8 million. EzikaCavin Johnson ziqedela ekhaya neCape Town City. Njengamanje zinamaphuzu angu-35 kanti uma zinqoba zingaqeda ku-38 wamaphuzu.
Indaba isegudwini kwiTop 8 nje, nombango wokugwema ukuya kweyokuhlunga uyashisa phakathi kwePolokwane, Baroka FC, SuperSport United ne-Ajax Cape Town. Womane la maqembu kumele agweme induku ngempelsonto ngoba uma kwenzeka lokho elilodwa lawo lizozithola likweyokuhlunga.
Ngaphandle kobumqoka bowePolokwane neChippa ngezizathu ezahlukene, oweBaroka neSuperSport iwona okuzosiphuka izidindi kuwona.
Ozovumela ukushaywa maningi amathuba okuthi azithole ekweyokuhlunga. Sundowns Pirates Chiefs Maritzburg C T City FC Free State Arrows Chippa Celtic Wits AmaZulu Baroka Polokwane SuperSport Ajax Platinum 29 18 29 14 29 11 29 11 29 11 29 10 29 8 29 7 29 8 29 9 29 8 29 7 29 6 29 7 29 8 29 4 5 6 49 24 59 10 5 39 25 52 12 6 25 21 45 10 8 35 22 43 7 11 26 26 40 10 9 28 29 40 13 8 35 33 37 15 7 26 25 36 12 9 25 32 36 9 11 27 35 36 11 10 29 35 35 13 9 32 37 34 15 8 30 33 33 12 10 24 30 33 7 14 26 31 31 9 16 20 38 21
I-Ajax esalengelwa nayifu lodaba lukaTendai Ndoro kumele inqobe kwiKaizer Chiefs ukuze izibeke ethubeni elingcono kodwa nalapho kusamele bamincele eminye imiphumela.