Ziyanda ezikhokha inhlawulo ngolwezikhangiso
INHLANGANO ebhekelele ukuncintisana okuhle eNingizimu Afrika, iCompetition Commission, imemezele ukuthi ziyanda izinkampani zezindaba ezikhokha inhlawulo emuva kokulahlwa yicala lokusebenzisana ukuze kuncishwe ezinye izikhangiso.
Izinkampani zezindaba zisolwa ngokutshelana ukuthi azikhokhise imali ethile kwabakhangisayo ukuze kukhangiswe kuzo kuphela.
NgoLwesibili, uMnuz Sipho Ngwema obhekelele ezokuxhumana kwiCompetition Commission, uthe bayajabula ngoba sekunezinye ezikhokha inhlawulo.
Uthe iMediamark (Pty) Ltd ne-United Stations (Pty) Ltd yizinkampani esezithe zizohlawula.
IMediamark ithe izokhokha ngaphezu kukaR1 million kwathi i-United Stations yavuma ukukhokha u-423 000.
Izinkampani zizokhokhela nesikhwama sokuthuthukisa umnotho lapho iMediamark izohlawula khona u-364 969 42 i-United Stations izohlawula uR152 611 46.
Zizophinde zinike izinkampani ezincane izikhala zokukhangisa mahhala ezibiza ngaphezu kukaR2 million.
Ezinye izinkampani esezihlawulile ecaleni leCompetition Commission yi-Dstv Media Sales ekhokhe uR22 262 599 00, Independent Media ehlawule uR2 220 603 00, Caxton &CTP Publishers and Printers R5 806 890 14, Provantage Media R1 094 222 00, Media24 R13 828 892 26 neMTV Networks Africa R966 692 83.
Ezingakakhokhi yiSABC, The Mail & Guardian, Avusa Media, Primedia (Pty) Ltd, Primedia Outdoor, Cinemark, Comutanet, Conde Nast Independent Magazine, Spark Media, Apurimac Media, Carpe Diem Media, Rodale And Touchline, Mandla-Matla Publishing, Ramsay Media, Lugan Investments, Associated Media, Associated Hearst, Capro, Trudon, Continental Outdoor, Apurimac Media CC neMedia Credit Co-Ordinators.