Kufana nebhonasi ukungena kwi-Top 8 – owoSuthu
KUFANA nebhonasi ukuthola indawo kwiTop 8 kwaMaZulu FC aqede isizini ka-2017/20i8 ehleli endaweni yesishiyagalombili kwilog ye-Absa Premiership.
AmaZulu azifake emaqenjini ayisishiyagalombili aphambili kule sizini ngemuva kokuzenzela umsebenzi eshaya iCape Town City ngo 1-0 emdlalweni weligi eKing Zwelithini Stadium. UMbongeni “Shoes” Gumede ushaye igoli eliweze Usuthu.
AmaZulu abe esevunwa imiphumela yeminye imidlalo yamaqembu abebanga iTop 8.
USuthu luqale isizini entsha sekutatazelwa ngemuva kokuthenga isitifiketi seThanda Royal Zulu eyadla ubhedu kwiNational First Division (NFD) ngesizini edlule. Kuze kwamenyezelwa sekusele isonto kuqale isizini ukuthi uCavin Johnson nguyena ozobe engumqeqeshi walo.
Lutabalisile, lwakwazi ukucosha amaphuzu ngisho lubhekene namaqembu athathwa njengamakhulu, ompetha iMamelodi Sundowns, iKaizer Chiefs ne-Orlando Pirates.
Ekugcineni emidlalweni engu-30 luqoqe amaphuzu angu-38.
“Ngicabanga ukuthi kufana nebhonasi eqenjini (ukuthola iTop 8). Asizange sikuhlelele ukuthi sibe kwiTop 8. Ebesikufuna wukudlala ibhola elihle. Namuhla (ngoMgqibelo) okwenzekile akuhlukile kunalokhu esakusho emidlalweni esiyishumi edlule, sithi yonke sizoyithathisa okweyamanqamu ngoba besifuna ukugcina indawo yethu kwiPremiership,” kusho uJohnson.
Lo mqeqeshi oke wapheka, iPlatinum Stars neSuperSport Unite, uthe akanawo amazwi alabo abebethi bazodliwa izembe ngesikhathi kuqala isizini.
“Mhlawumbe kumele bawagwinye amazwi abo. Kodwake okubalulekile wukuthi abantu kumele basihloniphe ngalokho esikwenza enkundleni.”
UJohnson, obelokhu eshumayela elokubuyisa udumo lwakudala lwaMaZulu kubalandeli, uthe usemkhulu umsebenzi obahlalele.
“Kusekuncane lokhu esikwenzile. Sikhona isisekelo kodwa asiqinile. Kusamele kupholishwe, noma ngabe lokho kwenziwa imina noma ngomunye umuntu. Ukuze sibe kwiTop 8 kukhona obekumele bahlulwe thina siwine. Okuhle ngayo wukuthi ikunikeza ithuba lokudlala umqhudelwano ngaphambi kwamanye amaqembu. Uma uzilungiselele ungawunqoba”.
Umqeqeshi weCity, uBenni McCarthy, uwashayele ihlombe AmaZulu ngokuthola iTop 8.
“Ngiyawajabulela kakhulu uCavin Johnson wenze umsebenzi omuhle,” kusho uMcCarthy.
thini igoli lokuwina. Ngo-2013, iPirates iphinde yafinyelela kowamanqamu weChampions League kodwa yaphoxwa yi-Al Ahly yase-Egypt. EZimnyama zibuye ngamandla kule sizini kwazise ngedlule azizange zingene ngisho kwiTop 8.
Ngo-2015 leli qembu laguqiswa yi-Etiole du Sahel yaseTunisia kowamanqamu weCAF Confederation Cup. IPirates izobe ibheke ukuqhubeka nomlando wayo omuhle emiqhudelwaneni yeCAF ngesizini ezayo. ISundowns abazoyibamba nayo kwiChampions League inqobe lo mqhudelwano ngo-2016.
Ngo-2001, iSundowns yabhuquziswa yi-Al Ahly ngo 4-1 kowamanqamu weChampions League. Ngesizini edlule iphume kuma-quarterfinal kanti njengamanje isesigabeni samaqoqo. ISundowns yilona kuphela iqembu lakuleli elisasele emiqhudelwaneni yeCAF kule sizini.
IKaizer Chiefs ishaye i-Ajax Cape Town ngo 2-1 eCape Town Stadium, eKapa emdlalweni weligi. Lo mphumela ubusho ukuthi Amakhosi ayogijima kwiConfederation ngesizini ezayo. Leli qembu lawunqoba lo mqhudelwano ngo-2001 usabizwa nge-African Cup Winner’s Cup.
IChiefs ihlale isolwa ngokungayihloniphi imiqhudelwano yeCAF. Eminyakeni edlule yake yadingiswa ukuba kuyona.
Ozonqoba phakathi kweStars neTeam of Choice kowamanqamu weNedbank Cup uzojoyina iChiefs kwiConfederation Cup.